Барлыбаев Хәлил Әбүбәкер улы (5 ғинуар 1944 йыл — 18 март 2020 йыл) — ғалим-иҡтисадсы, юғары мәктәп, дәүләт һәм йәмәғәт эшмәкәре. Рәсәй Федерацияһы Президенты ҡарамағындағы Рәсәй дәүләт хеҙмәте академияһы уҡытыусыһы. 1992—1995 йылдарҙа Башҡортостан Республикаһының Дәүләт милке менән идара итеү буйынса дәүләт комитеты рәйесе. Рәсәй Федерацияһының 3-сө саҡырылыш Федераль Йыйылышының Дәүләт Думаһы депутаты (1999—2003). Иҡтисад фәндәре докторы (1992), профессор (1994). Башҡортостан Республикаһының атҡаҙанған иҡтисадсыһы (1993).
Биографияһы
Хәлил Әбүбәкер улы Барлыбаев Башҡорт АССР-ының Баймаҡ районының Йомаш ауылында 1944 йылдың 5 ғинуарында тыуған.
1972 йылда М. В. Ломоносов исемендәге Мәскәү дәүләт университетының иҡтисад факультетын тамамлаған.
Оҙаҡ йылдар Башҡорт дәүләт университетының уҡытыусыһы булып эшләне. Артабан Рәсәй Федерацияһы Президенты ҡарамағындағы Рәсәй дәүләт хеҙмәте академияһы профессоры, Рәсәй фәндәр академияһының Фәлсәфә институтының ғилми хеҙмәткәре булды.
Хәлил Барлыбаев 2020 йылдың 18 мартында Мәскәүҙә көтмәгәндә вафат булды[2]
Йәмәғәт эшмәкәрлеге
- Рәсәй Шахмат федерацияһының ревизия комиссияһы рәйесе
Ғилми хеҙмәттәре
- Экономика Башкортостана (баш мөхәррир) (1988, 2003, 2007)
- Приватизацию на пользу народа (1994)
- Путь человечества: самоуничтожение или устойчивое развитие (Издание Госдумы, 2001)
- Общая теория глобализации и устойчивого развития (Издание Госдумы, 2003)
- Глобализация: за или против устойчивого развития (Изд-во РАГС, 2006)
- Человек, глобализация, устойчивое развитие (Изд-во РАГС, 2007)
- Человек в потоке универсальной эволюции (Изд-во РАГС, 2008)
- Интеллектуально-гуманистическая (ноосферная) формация — закономерное будущее человечества (Изд-во РАГС, 2010)
- Истина и справедливость как системообразующие ценности (2014)
Һылтанмалар
Иҫкәрмәләр
