Əziz Əzizov

Əziz Əzizov
Beyləqan Rayon İcra Hakimiyyətinin başçısı
Vəzifədədir
8 iyul 2024-cü ildən
Əvvəlki	Asif Ağayev
Suraxanı Rayon İcra Hakimiyyətinin başçısı
12 noyabr 2019 – 28 iyun 2024
Əvvəlki	İlqar Abbasov
Sonrakı	Adil Əliyev
Yasamal Rayon İcra Hakimiyyətinin başçısı
2 fevral 2018 – 12 noyabr 2019
Əvvəlki	İbrahim Mehdiyev
Sonrakı	Elşad Həsənov
Cəlilabad Rayon İcra Hakimiyyətinin başçısı
8 avqust 2006 – 2 fevral 2018
Əvvəlki	Taleh Qaraşov
Sonrakı	Namiq Zeynalov
Şəxsi məlumatlar
Doğum tarixi	9 dekabr 1963(1963-12-09) (61 yaş)
Doğum yeri	Soltanlı, Cəbrayıl rayonu, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Dövlət Neft və Sənaye Universiteti
Fəaliyyəti	siyasətçi
Təltifləri

Əziz Əzizov (tam adı: Əziz İmran oğlu Əzizov; 9 dekabr 1963, Soltanlı, Cəbrayıl rayonu) — Beyləqan Rayon İcra Hakimiyyətinin başçısı.

Həyatı və fəaliyyəti

Əziz İmran oğlu Əzizov 9 dekabr 1963-cü ildə Cəbrayıl rayonunun Soltanlı kəndində anadan olmuşdur. M. Əzizbəyov adına Neft və Kimya Akademiyasının mühəndis ixtisası üzrə bitirmişdir.

1985–1986-cı illərdə Tramvay parkında xətt sahəsi əmiri ustası, 1986–1987-ci illərdə Tramvay parkında vaqon bölməsində usta, 1987–1989-cu illərdə Tramvay parkında yol təhlükəsizliyi müfəttişi, 1989–1990-cı illərdə Tramvay parkında yol təhlükəsizliyi idarəsinin rəisi, 1990–1992-ci illərdə Tramvay parkında istismar idarəsinin rəisinin vəzifəsinin icra edən, 1992–1993-cü illərdə Bakı şəhər Nəqliyyat Departamentinin texniki şöbənin rəisi, 1993–1996-cı illərdə Bakı şəhər Nəqliyyat Departamentinin hərəkətin təhlükəsizliyi üzrə rəisi vəzifələrində çalışmışdır.

1996–2006-cı illərdə Sahibkarlıq fəaliyyəti məşğul olmuşdur

2006–2018-ci illərdə isə Cəlilabad Rayon İcra Hakimiyyətinin başçısı vəzifəsində çalışmışdır.

2018–2019-cu illərdə Bakı şəhəri Yasamal Rayon İcra Hakimiyyətinin başçısı vəzifəsində çalışmışdır.

Azərbaycan Respublikası Prezidentinin 12 noyabr 2019-cu il tarixli Sərəncamı ilə Bakı şəhəri Suraxanı Rayon İcra Hakimiyyətinin başçısı təyin olunub.

Azərbaycan Respublikasının Prezidentinin 8 iyul 2024-cü il tarixli Sərəncamı ilə Beyləqan Rayon İcra Hakimiyyətinin başçısı təyin olunmuşdur.^[1]

Yeni Azərbaycan Partiyasının üzvüdür.

Ailəlidir, 3 övladı var.

Mükafatları

• "Heydər Əliyevin 100 illiyi (1923–2023)" yubiley medalı (2 fevral 2024)^[2]

• "Azərbaycan Respublikasının İnsan hüquqları üzrə müvəkkili (ombudsman) təsisatının 20 illiyi (2002–2022)" yubiley medalı (1 fevral 2024)^[3]

İstinadlar

1. "Ə.İ.Əzizovun Beyləqan Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-07-08 tarixində arxivləşdirilib. İstifadə tarixi: 2024-07-08.
2. NModern. "Suraxanı Rayon İcra Hakimiyyətinin başçısı Əziz Əzizov "Heydər Əliyevin 100 illiyi (1923–2023)" yubiley medalı ilə təltif edilib". surakhani-ih.gov.az (az.). İstifadə tarixi: 2024-04-02.
3. NModern. "Suraxanı Rayon İcra Hakimiyyətinin başçısı Əziz Əzizov "Azərbaycan Respublikasının İnsan hüquqları üzrə müvəkkili (ombudsman) təsisatının 20 illiyi (2002–2022)" Azərbaycan Respublikasının yubiley medalı ilə təltif edilib". surakhani-ih.gov.az (az.). İstifadə tarixi: 2024-04-02.