Ədalət Ziyadxanov

Ədalət Ziyadxanov
"Ac həriflər" televiziya tamaşasından səhnə. Ədalət Ziyadxanov mirzə rolunda
Doğum tarixi	23 fevral 1946
Doğum yeri	Bakı, Azərbaycan SSR
Vəfat tarixi	12 sentyabr 2018 (72 yaşında)
Fəaliyyəti	Rejissor Aktyor
IMDb	ID2932374

Ədalət Ziyadxanov (23 fevral 1946 – 12 sentyabr 2018) — rejissor, aktyor.

Həyatı

Ədalət Ziyadxanov 1946-cı ildə Bakıda — "Kubinka"da anadan olub. Uşaqlıqdan sənətə meyil edib. Bakı Bələdiyyə Teatrının rejissorudur. Əvvəllər Şəki teatrında rejissor, Ağdam teatrında baş rejissor işləyib. "Azərbaycanfilm" kinostudiyasının nəzdində fəaliyyət göstərən kinoaktyor teatr studiyasında çalışmışdır.^[1] Mədəniyyət və İncəsənət Universitetində dərs deyir. Sənətşünaslıq fakültəsində "ədəbi yaradıcılıq" ixtisası üzrə dərs deyir. Ə.Ziyadxanovun səhnələşdirdiyi Aqşin Babayevin "Oğul" əsəri "Dərviş" mükafatına layiq görülüb. Tamaşalarının çox hissəsi Azərbaycan televiziyasının qızıl fondundadır.^[2]

12 sentyabr 2018-ci ildə vəfat etmişdir.^[3]

Filmoqrafiya

1. Mehmanxana sahibəsi (film, 1978)
2. Ac həriflər (film, 1993) (tammetrajlı film-tamaşa) (AzTV) — rol: mirzə
3. Hacı Qara (film, 2002)
4. Absurdistan (film, 2008) (tammetrajlı bədii film) — rol: polis nəfəri

İstinadlar

1. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 276-277.
2. "Ədalət Ziyadxanovun böyük yaşına kiçik yazı". ANL.az. 2019-09-13 tarixində arxivləşdirilib. İstifadə tarixi: 2011-12-04.
3. Qafqazinfo. "Ötən il ruhi xəstəxanaya yerləşdirilmişdi... - Bu gün vəfat etdi" (az.). Qafqazinfo.az. 23.01.2016. 2019-09-22 tarixində arxivləşdirilib. İstifadə tarixi: 2018-09-13.