İlhamə Quliyeva

İlhamə Quliyeva
Ümumi məlumatlar
Ləqəbləri	"Primadonna", "Türk sənət dünyasının kraliçası"
Doğum tarixi	17 avqust 1943(1943-08-17)
Doğum yeri	Lənkəran, Lənkəran rayonu, Azərbaycan SSR, SSRİ
Vəfat tarixi	25 fevral 2016(2016-02-25) (72 yaşında)
Vəfat yeri	Bakı, Azərbaycan
Vəfat səbəbi	ürək çatışmazlığı
Dəfn yeri	II Fəxri Xiyaban
Musiqiçi məlumatları
Fəaliyyəti	aktrisa, müğənni
Fəaliyyət illəri	1965-ci ildən
Təhsili	Bakı Dövlət Universiteti
Mükafatları	2013 2002 1998 2008
Vikianbarda əlaqəli mediafayllar

İlhamə Məzahir qızı Quliyeva (17 avqust 1943, Lənkəran – 25 fevral 2016, Bakı) — Azərbaycan müğənnisi, Azərbaycan Respublikasının Xalq artisti (1998), Azərbaycan Respublikası Prezidentinin fərdi təqaüdçüsü (2003), "Şöhrət" ordenli (2002), "Şərəf" ordenli (2013), Dağıstan Respublikasının xalq artisti (2008).

Həyatı

İlhamə Quliyeva 17 avqust 1943-cü ildə Lənkəran şəhərində anadan olmuşdur.^[1][2]

Azərbaycan Dövlət Universitetinin filologiya fakültəsini bitirmişdir. 1965–1970-ci illərdə Azərbaycan Dövlət Teleradio Verilişləri Şirkəti Estrada Orkestrinin, 1970–1980-ci illərdə isə Azərbaycan Dövlət Filarmoniyasının solisti olmuşdur. 1980-ci ildən Azərbaycan Dövlət Qastrol-Konsert Birliyinin (Azkonsert) solisti olmuşdur. Repertuarına Azərbaycan və xarici ölkə bəstəkarlarının əsərləri daxildir. Bir sıra xarici ölkələrdə (İngiltərə, İspaniya, Danimarka, Türkiyə, Almaniya və s.) qastrolda olmuşdur.

İlhamə Quliyeva 25 fevral 2016-cı ildə tromboemboliyadan vəfat etmişdir.^[3] 26 fevral 2016-cı ildə İkinci Fəxri Xiyabanda anası Tükəzban İsmayılova və ögey atası Həbib Bayramovun yanında dəfn edilmişdir.

Ailəsi

İlhamə Quliyevanın doğma atasının adı Məzahir Quliyevdir, ögey atası isə Azərbaycan SSR xalq artisti Həbib Bayramovdur^[4][5]. Anası Azərbaycan müğənnisi Azərbaycan Respublikasının xalq artisti Tükəzban İsmayılova.

İlhamə Quliyeva XX əsrin 80-ci illərində qısa müddətli ailə həyatı qurub. Çox qısa sürən bu evlilik zamanı o hətta həyat yoldaşının soyadını — Mirmöhsünova soyadını daşıyıb. İlhamə Quliyevanın həyat yoldaşı isə Faiq Mirmöhsünov olub, lakin İlhamə Quliyeva qısa müddətdən sonra bu evliliyə son qoyub yenidən Quliyeva soyadına qayıdıb.^[6]

Orxan Nadirov adlı bir oğul övladı var idi.^[7]

Diskoqrafiyası

• Ilhame Quliyeva — Anam mehribanım Azərbaycanım — musiqi: Oqtay Rəcəbov, sözləri: A. Babayev
• Ilhame Quliyeva — Azərbaycan — musiqi: ?
• İlhamə Quliyeva — Toy mahnısı — musiqi: Fikrət Əmirov
• İlhamə Quliyeva — Gülür ellər — musiqi: Fikrət Əmirov, sözləri: Teymur Elçin
• İlhamə Quliyeva — Göygöl — musiqi: Fikrət Əmirov, sözləri: Teymur Elçin
• İlhamə Quliyeva — De, görüm, neyləmişəm — musiqi: Fikrət Əmirov, sözləri: Teymur Elçin
• İlhamə Quliyeva — Gülərəm gülsən — musiqi: Fikrət Əmirov, sözləri: Məmməd Səid Ordubadi
• İlhamə Quliyeva — Mən səni araram — musiqi: Fikrət Əmirov, sözləri: Tələt Əyyubov
• İlhamə Quliyeva — Tarla Qızları — musiqi: Oqtay Kazımov, sözləri: Həmid Abbasov
• İlhamə Quliyeva — Bir xumar baxışla — musiqi: Ramiz Mirişli, sözləri: İslam Səfərli
• İlhamə Quliyeva — Nəğməkar qız — musiqi: Ramiz Mirişli, sözləri: İsgəndər Coşqun
• İlhamə Quliyeva — Çiçək yağışı — musiqi: Emin Sabitoğlu
• İlhamə Quliyeva — Ağ çiçəyim — musiqi: Elza Seyidcahan, sözləri: Cığatel https://www.youtube.com/watch?v=zn0_pFHhwc0
• İlhamə Quliyeva — Ayrılıq (1969) — musiqi: Xəyyam Mirzəzadə, sözləri: İsa İsmayılzadə
• İlhamə Quliyeva — Sırğamın qaşı (1971) — musiqi: Xəyyam Mirzəzadə, sözləri: Fikrət Sadıq

Videoqrafiya

Say	Ad	Tarix
01	Incitmə Qəlbimi ft. Rəşad İlyasov	2000
02	Unuda Bilməzsən	2001
03	Gedirəm	2001
04	Ay Qaragilə	2003
05	Oyan, Bəxtim ft. Hüseyn Dərya	2004
06	Bu Gedən Karvan
07	Sevgi Hekayəti	2005
08	Ağla	2005
09	Çox Darıxmışam
10	Gülüm	2007
11	Sevgi Dünyamız	2009
12	Unut Məni	2010
13	Azərbaycan Bayrağı	2011
14	Ağ Çiçəyim ft. Elza Seyidcahan	2012
15	İlhamlı Azərbaycan	2013
16	Sevgi Nağılı ft. Nuri Serinlendirici	2014
17	Yaşa, İdman Bayramı	2015
18	Unut Məni ft. Nuri Serinlendirici	2017

Filmoqrafiya

• Toyda görüş (film, 1970)
• Mahnı qanadlarında (film, 1972)
• Göy göl (film, 1973)
• Payız melodiyaları (film, 1974)
• Oxuyan ürəkdir (film, 2003)
• Adam ol! (film, 2005) (tammetrajlı bədii film) filmin direktoru, rol: Leyli
• Adam ol! 3 (film, 2007) (tammetrajlı bədii film) (Lider TV)

Mükafatları

• "Azərbaycan SSR əməkdar artisti" fəxri adı — 1 dekabr 1982
• "Azərbaycan Respublikasının xalq artisti" fəxri adı — 24 may 1998^[8]
• "Şöhrət" ordeni — 19 avqust 2002^[9]
• Azərbaycan Respublikası Prezidentinin fərdi təqaüdü — 5 iyul 2003
• "Dağıstan Respublikasının xalq artisti" fəxri adı — 2008
• "Şərəf" ordeni — 17 avqust 2013^[10]

İstinadlar

1. "İlhamə Quliyevanın ölümü ilə bağlı nekroloq imzalandı". 2016-02-26 tarixində arxivləşdirilib. İstifadə tarixi: 2016-03-19.
2. Nekroloq Arxivləşdirilib 2016-02-26 at the Wayback Machine. azertag.az, 25.02.2016  (az.)
3. "İlhamə Quliyeva vəfat etdi". 2021-02-10 tarixində arxivləşdirilib. İstifadə tarixi: 2016-02-25.
4. "İlhamə Quliyevanın təltif sənədlərində ata adı niyə fərqli olub?". 2017-07-05 tarixində arxivləşdirilib. İstifadə tarixi: 2014-05-20.
5. "Atasının kimliyi barədə İ.Quliyevanın Atv-Maqazinə açıqlaması". 2015-03-31 tarixində arxivləşdirilib. İstifadə tarixi: 2016-02-28.
6. "Şou-biznesimizin boşanmış tanınmışları". 2016-03-04 tarixində orijinalından arxivləşdirilib. İstifadə tarixi: 2009-10-06.
7. "Prokurorluqdan İlhamənin ölümü ilə bağlı - Rəsmi açıqlama" (az.). Day.Az. 26 февраля 2016. 2016-05-13 tarixində arxivləşdirilib. İstifadə tarixi: 26 fevral 2016.
8. İlhamə Quliyevaya "Xalq artisti" fəxri adının verilməsi haqqında Azərbaycan Respublikası Prezidentinin 24 may 1998-ci il tarixli, 712 nömrəli Fərmanı Arxivləşdirilib 9 iyul 2021 at the Wayback Machine.  (az.)
9. İ. M. Quliyevanın "Şöhrət" ordeni ilə təltif edilməsi haqqında Azərbaycan Respublikası Prezidentinin 17 avqust 2002-ci il tarixli, 756 nömrəli Fərmanı^{[ölü keçid]}.  (az.)
10. "İ.M. Quliyevanın "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". 2014-07-30 tarixində arxivləşdirilib. İstifadə tarixi: 2016-02-28.