PROFILBARU.COM

Tofiq Süleymanov
Tofiq Süleymanov
	Tofiq İbrahim oğlu Süleymanov
Doğum tarixi	16 may 1955 (69 yaş)
Doğum yeri	Gölkənd, Krasnoselo rayonu, Ermənistan SSR, SSRİ
Vətəndaşlığı	SSRİ→; Azərbaycan
Elm sahəsi	kosmik texnologiyalar
Elmi dərəcəsi	texnika elmləri doktoru
Elmi adı	professor
İş yeri	Azərbaycan Milli Aerokosmik Agentliyinin Baş direktorunun I müavini
Təhsili	Azərbaycan Dövlət Universitetinin Mexanika-riyaziyyat fakültəsi
Mükafatları

Tofiq İbrahim oğlu Süleymanov — Azərbaycan Milli Aerokosmik Agentliyinin Baş direktorunun I müavini, texnika elmləri doktoru, professor.

Həyatı

Tofiq İbrahim oğlu Süleymanov 16 may 1955-ci ildə Ermənistanın Krasnoselo rayonunun Gölkənd kəndində anadan olmuş, 1972-ci ildə orada orta məktəbi bitirmişdir.1972–1977-ci illərdə Azərbaycan Dövlət Universitetinin (indiki Bakı Dövlət Universitetinin) mexanika-riyaziyyat fakültəsində təhsil almış, həmin ildən Azərbaycan SSR Elmlər Akademiyasının (AMEA)"Kaspi" Elmi Mərkəzində (indiki Milli Aerokosmik Agentliyində) əmək fəaliyyətinə başlamışdır. O, 1978–1993-cü illərdə həmin təşkilatda mühəndis-riyaziyyatçı, kiçik elmi işçi, aparıcı elmi işçi, sektor rəisi, şöbə rəisi, 1993–2004-cü illərdə MAKA aparatında Elmi-texniki idarə rəisinin müavini, Elmi-Tədqiqat Aerokosmik İnformatika İnstitutunda şöbə rəisi, elmi katib, elmi işlər üzrə direktor müavini vəzifələrində çalışmışdır. 2004-cü ildən MAKA-nın Baş direktorunun birinci müavini, 2007–2008-ci illərdə MAKA-nın Ekologiya İnstitutunun direktoru olmuş, 2008-ci ildən indiki dövrə qədər yenidən MAKA-nın Baş direktorunun birinci müavini vəzifəsində çalışır. Ailəlidir, iki övladı var.

Təhsili

1972–1977-ci illərdə Azərbaycan Dövlət Universiteti (indiki Bakı Dövlət Universiteti) mexanika-riyaziyyat fakültəsi, tələbə;
1979-cu ildə Ümumittifaq "Alqoritm" Elm-İstehsalat Birliyinin Elmi-Tədris Mərkəzində dinləyici (Moskva şəhəri) ;
1979–1982-ci illərdə elmi təcrübəçi, aspirant – (SSRİ EA-nın Kosmik Tədqiqatlar İnstitutu, SSRİ Dövlət Hidrometeorologiya Komitəsi, Moskva şəhəri);
1988-ci ildə SSRİ Ümumi Maşınqayırma Nazirliyinin "Rəhbər İşçilərin və Mütəxəssislərin İxtisasartırma İnstitutu"nda dinləyici (Moskva vilayəti, Kalininqrad şəhəri);
1991-ci ildə SSRİ Ümumi Maşınqayırma Nazirliyinin "Rəhbər İşçilərin və Mütəxəssislərin İxtisasartırma İnstitutut"nda dinləyici (Moskva vilayəti, Kalininqrad şəhəri);
1999–2003 illərdə 3324.07- "məsafədən aerokosmik tədqiqatlar" ixtisası üzrə doktorluq hazırlığı.

Elmi dərəcəsi

2006-cı il – 3324.07- "Məsafədən aerokosmik tədqiqatlar" ixtisası üzrə texnika elmləri doktoru;

2012-ci il – 3324.07- "Məsafədən aerokosmik tədqiqatlar" ixtisası üzrə professor.

Pedoqoji fəaliyyəti

1990–1995-ci illərdə Azərbaycan Neft və Kimya İnstitutunun "İnformasiya – ölçmə sistemləri"

kafedrasında dosent;

2005-ci ildən indiki dövrə qədər Milli Aviasiya Akademiyasının "Ətraf mühitin aerokosmik monitorinqi" kafedrasında dosent, professor.

İctimai fəaliyyəti

1985–1992-ci illərdə Kosmik Tədqiqatlar Elm-İstehsalat Birliyinin Gənc Alimlər Təşkilatının sədr müavini, sədri;

1999-cu ildən "Dövlət İmtahan Mərkəzində" imtahan rəhbəri;

2004-cü ildən MAKA-nın Birləşmiş Elmi-Texniki Şurasının sədr müavini;

2005–2011-ci illərdə MAKA-da fəaliyyət göstərən Dissertasiya Şurasının elmi katibi;

2007-ci ildən "AMAKA-nın Xəbərləri" jurnalının Baş redaktorunun müavini;

2007-ci ildən MAKA-nın Ekspert Şurasının sədri;

2007-ci ildən MAKA-nın Direktorlar Şurasının üzvü, hal-hazırda Direktorlar Şurasının sədr müavini;
2011-ci ildən YAP MAKA Ərazi İlk Partiya Təşkilatının sədri;

2016-cı ildən YAP Binəqədi Rayon Təşkilatının Şura üzvü;

Mükafatları

1985 – Azərb. SSR Elmlər Akademiyasının Kosmik Tədqiqatlar Elm- İstehsalat Birliyinin "Ən yaxşı gənc alimi diplomu"

1991 – SSRİ Kosmonavtika Federasiyasının "Akademik S. P. Korolyov adına medalı"

2004 – AMEA-nın Yer Elmləri Bölməsinin "Fərmanı"

2005 – AMEA-nın "Fəxri Fərmanı"

2010 – Azərbaycan Respublikası Prezidentinin Sərəncamı ilə "Tərəqqi medalı" (11 dekabr,№ 1232)

2013 – YAP Binəqədi Rayon Təşkilatının "Fəxri Fərmanı"

2017 – Azərbaycan Respublikası Dövlət İmtahan Mərkəzinin "Fəxri Fərmanı"

2017 – YAP Binəqədi Rayon Təşkilatının "Fəxri Fərmanı"

Elmi maraq dairələri

Hesablama riyaziyyatı və informasiya nəzəriyyəsi;

Məsafədən müşahidənin kosmik sistemləri;

Kosmik məlumatların emalı metodları;

Məsafədən müşahidənin tətbiqi məsələləri;

Aerokosmik ekoloji monitorinq.

Əsərləri

Monoqrafiyaları

1. T. İ. Süleymanov. Kosmos. İnsan kainata can atır. Bakı. "Ayna Mətbuat Evi".2002

2. Т.И.Сулейманов. Тематическая интерпретация дистанционных данных почвенно — растительных объектов. Баку. Изд-вo "Элм", 2003

3. A. Ə. Şirin-zadə, T. İ. Süleymanov. Peykaltı poliqon tədqiqatları üçün elmi-metodik vəsait. Bakı, "MAKA", 2008

4. Z. S. Allahverdiyev, T. İ. Süleymanov, G. Y. Mehdiyeva, X. X. Muxtarlı. Dəniz hidrometeoroloji proqnoz üsulları. Bakı, "Ziya" NPM, 2013.

Məqalələri

Kosmik texnologiyaların müxtəlif problemlərinə həsr olunmuş 200-ə qədər elmi məqalənin müəllifidir.

Hazırladığı kadrlar

8 nəfər texnika üzrə fəlsəfə doktoru

Beynəlxalq tədbirlərdə iştirakı

MDB məkanında və digər xarici ölkələrdə keçirilən 20-dən artıq beynəlxalq konfrans və forumlarda məruzəçi (1984–2017)

"İnterkosmos" proqramı çərçivəsində keçirilən "Kursk-85" beynəlxalq aerokosmik eksperimentində Azərbaycan "İşçi qrupu"nun rəhbəri (1985)

MDB ölkələrinin "Kosmik məsələlər üzrə əməkdaşlıq şurası"nın iclaslarında Azərbaycan Respublikasının təmsilçisi (2014–2017)

Mənbə

https://report.az/elm-ve-tehsil/azerbaycanda-kosmik-peykler-istehsal-oluna-biler/

https://report.az/dagliq-qarabag-munaqishesi/milli-aerokosmik-agentliyin-resmisi-isgal-olunmus-^{[ölü keçid]} erazilerin-kosmik-tesvirlerini-elde-etmekle-aras/

YAP Binəqədi rayon təşkilatının Milli Aerokosmik Agentliyi Ərazi İlk Partiya Təşkilatında hesabat – seçki yığıncağı keçirildi- (http://bineqediyap.org.az/index.php?id=10321)

Kərim Kərimovun 100 illik yubileyi qeyd olundu. (http://www.mdi.gov.az/?/az/news/view/459/)

Azərbaycan Respublikasının müdafiə sənayesi işçilərinin təltif edilməsi haqqında Azərbaycan Respublikası Prezidentinin Sərəncamı. (https://azertag.az/xeber/)