Rud van Nistelroy

Rud Van Nistelroy
nid. Rutgerus Johannes Martinius van Nistelrooij
Ümumi məlumatlar
Doğum tarixi	1 iyul 1976(1976-07-01)[1][2]^[…] (48 yaş)
Doğum yeri	Oss, Şimali Brabant, Niderland
Vətəndaşlığı	Niderland krallığı
Boyu	188 sm
Çəkisi	80 kq
Mövqeyi	hücumçu
Klub haqqında məlumat
Klub	karyerasını bitirib
Karyerası
Klub karyerası[* 1] 1993—1997 Den Boş 69 (17) 1997—1998 Herenven 31 (13) 1998—2001 PSV Eyndhoven 67 (62) 2001—2006 Mançester Yunayted 150 (95) 2006—2010 Real Madrid 68 (46) 2010—2011 Hamburq 36 (12) 2011—2012 Malaqa 28 (4) 1993—2012 Cəmi 449 (249) Milli yığma[* 2] 1998—2011 Niderland 70 (35)
Təltif və medalları
Avropa çempionatları Bürünc Portuqaliya 2004
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 14 may 2012 tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı, 29 mart 2011 tarixində redaktə olunub.
Vikianbarda əlaqəli mediafayllar

Rud van Nistelroy — niderlandlı peşəkar futbol məşqçisi və keçmiş futbolçu. Bütün zamanların ən yaxşı hücumçularından biri kimi tanınan van Nistelroy UEFA Çempionlar Liqasının üç ayrı mövsümündə ən çox qol vuran futbolçu və 56 qolla yarışın tarixində ən çox qol vuran altıncı oyunçu olub. O, bundan başqa daha üç fərqli Avropa liqasının da ən çox qol vuran futbolçusu olub. 2004-cü ildə, FIFA 100-də o, dünyanın yaşayan ən yaxşı futbolçularının siyahısına daxil edilmişdir.^[3]

Van Nistelroy karyerasına "Den Boş" klubunda başlamış, iki Erediviziya titulu qazandığı "PSV Eyndhoven" klubundakı çıxışı ilə tanınmışdır. Onun "PSV"-dəki qol rekordu "Mançester Yunayted"in diqqətini çəkmiş, nəticədə 2000-ci ilin yayında klub onunla müqavilə bağlamışdır. Lakin zədə problemlərinə görə onun transferi bundan bir il sonra Britaniyanın o vaxtkı rekord məbləği olan 19 milyon funt sterlinq qarşılığında reallaşıb. Nistelroyun "Yunayted"dəki fəaliyyəti uğurlu olub: o, Premyer Liqa, Federasiya Kuboku, Liqa Kuboku və Superkubokun qalibi olmuş və iki dəfə Ser Mett Basbi adına İlin Oyunçusu mükafatını qazanmışdır. Van Nistelroy "Yunayted" üçün ümumiliikdə 219 oyunda 150 qol vurub və o zamanlar Avropanın bütün zamanlarının rekordçusu olub. 2006-cı ildə o, "Real Madrid"də çıxış etməyə başlayıb. O, 2010-cu ilin yanvarında "Hambur"a transfer edilməsinə qədər "Real Madrid" ilə iki dəfə La Liqa və İspaniya Superkubokunu qazanıb. Nistelroy "Hamburq"da keçirdiyi bir yarım mövsümdən sonra 2011-ci ilin yayında "Malaqa" klubuna transferi ilə yenidən İspaniyaya qayıdıb. O, 2012-ci ildə futbolçu kimi kayerasını yekunlaşdırıb.

Beynəlxalq oyunlarda Van Nistelroy Hollandiyanı 70 oyunda təmsil edib və 35 qola imza atıb. O, Hollandiyanın Avro 2004, 2006 Dünya Kuboku və Avro 2008 komandalarında çıxış edib.

Məşqçilik karyerası

11 iyul 2024-cü ildə Nistelroy iki illik müqavilə əsasında Premyer Liqa klubu "Mançester Yunayted"də köməkçi məşqçi təyin edildi. Əvvəlcə ona baş məşqçi Erik ten Haqla yanaşı işləmək tapşırılsa da, Haqın oktyabrın 28-də işdən çıxarılmasından sonra o, müvəqqəti baş məşqçi təyin edildi.^[4] İki gün sonra klub onun rəhbərliyi altındakı ilk oyununu oynadı və İngiltərə Liqa Kubokunda "Lester Siti"ni 5-2 hesabı ilə məğlub etdi.^[5] Onun rəhbərliyi ilə klub noyabrın 7-də "PAOK"-a 2-0 hesabla qalib gələrək 13 ay sonra ilk Avropa qələbəsini qazandı.^[6] Onun rəhbərlik etdiyi son oyunda isə "Lester Siti" 3-0 hesabı ilə məğlub edildi. Yeni baş məşqçi Ruben Amorimin gəlişindən sonra Van Nistelroy klubu tərk etdi.^[7] O, klubun müvəqqəti baş məşqçisi kimi fəaliyyətini dörd matçda üç qələbə və bir heç-heçə ilə başa vurdu.^[8]

İstinadlar

1. Ruud van Nistelrooy // Transfermarkt (çd.). 2000.
2. Ruud van Nistelrooy // filmportal.de. 2005.
3. "Pele's list of the greatest". BBC Sport. 4 March 2004. 19 October 2018 tarixində arxivləşdirilib. İstifadə tarixi: 16 November 2013.
4. "Man Utd official club statement on Erik ten Hag". Manchester United F.C. 28 October 2024. 9 November 2024 tarixində arxivləşdirilib. İstifadə tarixi: 28 October 2024.
5. "Man Utd 5-2 Leicester: Ruud van Nistelrooy gets off to winning start in Carabao Cup". Sky Sports. 30 October 2024. İstifadə tarixi: 31 October 2024.
6. "Manchester United 2–0 PAOK: Amad Diallo scores twice as Ruud van Nistelrooy oversees long-awaited European win". Sky Sports. 7 November 2024. 10 November 2024 tarixində arxivləşdirilib. İstifadə tarixi: 10 November 2024.
7. "Man Utd 3-0 Leicester City: Bruno Fernandes shines in Premier League win". BBC Sport (ingilis). 2024-11-17 tarixində arxivləşdirilib. İstifadə tarixi: 2024-11-21.
8. "Statement: Van Nistelrooy later fully leaves the club, not remaining as an Assistant Manager or a member of the coaching staff following Amorim's changes". www.manutd.com. 2024-11-20 tarixində arxivləşdirilib. İstifadə tarixi: 2024-11-11.

Həmçinin bax