Nobuko Yoşiya

Nobuko Yoşiya
yap. 吉屋信子
Doğum tarixi	12 yanvar 1896(1896-01-12)
Doğum yeri	Niiqata, Niiqata prefekturası, Yaponiya
Vəfat tarixi	11 iyul 1973(1973-07-11) (77 yaşında)
Vəfat yeri	Kamakura, Kanaqava prefekturası, Yaponiya
Vəfat səbəbi	kolorektal xərçəng
Fəaliyyəti	romançı, yazıçı
Vikianbarda əlaqəli mediafayllar

Nobuko Yoşiya (吉屋 信子^?, 12 yanvar 1896, Niiqata – 11 iyul 1973, Kamakura, Kanaqava prefekturası) – Yaponiya yazıçısı.

Həyatı

Niiqata prefekturasında bir dövlət məmurunun qızı kimi doğulmuşdur.^[1] Yeniyetmə yaşlarından etibarən əsərlər yazmağa başlamışdır.^[1] 1916-1924-cü illərdə yayımlanmış "Çiçək hekayələri" adlı əsəri qız tələbələr arasında populyar olmuşdur.^[1] "Yerin sonuna qədər" adlı əsərinə görə 1920-ci ildə "Osaka Asahi" qəzetinin mükafatını qazanmışdır.^[1] Bu əsər Tokioda təhsil alarkən əldə etdiyi xristianlıq təcrübələrini əks etdirirdi.^[1]

Yoşiyanın romanları qadın idealları, problemləri, digər qadınlarla münasibətlərə həsr olunduğu üçün əsasən qadın oxucular tərəfindən oxunurdu.^[1] Həyatını Monma Çiyo adlı qadın partneri ilə birlikdə keçirmiş, onunla səyahətlər etmişdir.^[1]

Əsas əsərləri siyahısına "Qadınların dostluğu" (1933-34), "Bir ərin isməti" (1936-37), "İblis alovu" (1951), "Atakake insanları" (1951-52) və "Tokuqava xanımları" (1966) daxildir.^[1]

İstinadlar

1. Kodansha Encyclopedia of Japan

Ədəbiyyat

• Kodansha Encyclopedia of Japan (ingiliscə). VIII cild. Tokio: Kodansha. 1983. səh. 351. ISBN 0-87011-628-2. İstifadə tarixi: 19 iyun 2022.

Xarici keçidlər

• Kamakura Nobuko Yoşiya Memorial Muzeyi