Linus Torvalds

Linus Torvalds
isv. Linus Torvalds
Doğum tarixi	28 dekabr 1969(1969-12-28)[1][2]^[…] (54 yaş)
Doğum yeri	Helsinki, Finlandiya[3]
Uşaqları	3
Təhsili	Helsinki Universiteti (1988–1996)
Fəaliyyəti	proqramçı
Elmi dərəcəsi	fizika-riyaziyyat elmləri doktoru
torvalds-family.blogspot.com
Vikianbarda əlaqəli mediafayllar

Linus Benedikt Torvalds (28 dekabr 1969^[1][2][…], Helsinki^[3]) — finlandiyalı proqram təminatı mühəndisi.

Fəaliyyəti

Linus Torvalds 28 dekabr 1969-cu ildə Finlandiyanın Helsinki şəhərində anadan olmuşdur. O, on yaşında ikən babası ona Commodore VIC-20 kompüterini almış və Linus da bu kompüterdə babası üçün bəzi statistikaları tutmaqda kömək etməyə başlamışdır. Beləliklə, kompüterlə bərabər gələn bəzi proqramların əl kitabçalarını oxuyaraq bir çox sadə proqramı öyrənmə fürsəti əlinə keçmişdir. Helsinki universitetinin kompüter elmi bölümünə girdiyi vaxt isə artıq tam təşəkküllü proqramçı idi.

Linux nüvəsinin proqramlaşdırılmasını başlatmışdır. İndi o həmin layihənin koordinatoru kimi fəaliyyət göstərir.

Linuxu fərdi kompüterlərdə (PC) işləyən tam təşəkküllü Unixvari əməliyyat sistemini proqramlaşdırmaq üçün Torvalds Minix-dən (Endrü Tanenbaum tərəfindən proqramlaşdırılan əməliyyat sistemi) ilham almışdır.

Hal-hazırda Linux bir sıra digər arxitekturalarda da işləyir.

İstinadlar

1. Linus Torvalds // Babelio (fr.). 2007.
2. Linus Torvalds // Munzinger Personen (alm.).
3. Deutsche Nationalbibliothek Record #122924517 // Ümumi tənzimləmə nəzarəti (GND) (alm.). 2012—2016.

Həmçinin bax

Xarici keçidlər