Jemerson de Xesus Naskimento (24 avqust 1992-ci ildə anadan olub) — Jemerson kimi də tanınan, Liqa 1 təmsilçilərindən olan Monako FK klubunda müdafiənin mərkəz cinahında çıxış edən peşəkar Braziliya futbolçusudur.[1]
Jemerson Baiyanın Jeremoabo bələdiyyəsində anadan olmuşdur. Jemerson 2009-cu ilə qədər həvəskar olaraq futbol oynamışdır. 2009-cu ildə Konfiança klubu ilə müqavilə imzalamışdır. Jemerson Palmeyras, Santos, Vasko klublarının akademiyasına seçilə bilmədiyi üçün Atletiko Mineyro klubunun gənclər akademiyasına qəbul olundu.[2]
Atletiko Mineyro
Jemerson karyerasında debütünü 2012-ci ildə etmişdir. 2012-ci ildə Jemerson Demokrata klubuna icarəyə verilmiş və klub ilə 12 oyuna çıxmışdır. Avqust ayında o, yenidən Qalo klubuna geri qayıtmışdır. Dekabr ayında isə əsas komanda ilə debüt etmişdir.[3]
Jemerson Seriya A-da əsas komanda ilə debütünü 7 iyul 2013-cü ildə Krisiuma klubuna qarşı oyunda etmişdir. Həmin görüşdə Mineyro evdə Krisiumaya 3-2 hesabı ilə qalib gəlmişdir.[4] Leonardo Silva və Reveri ehtiyata göndərdikdən sonra Jemerson mövsüm sonuna qədər sadəcə beş oyunda iştirak etmişdir.
2014-cü ildə Rever topuğundan ciddi zədə aldıqdan sonra Jemerson mövsüm sonuna qədər əksər oyunlarda start heyətdə yer almışdır.[5]
Monako
31 yanvar 2016-cı ildə Jemerson Liqa 1 təmsilçilərindən olan Monako klubu ilə beş illik müqavilə imzalamışdır.[1]
