PROFILBARU.COM

Cüzeppe Meattsa
Cüzeppe Meattsa
	it. Giuseppe Meazza
Ümumi məlumatlar
Doğum tarixi	23 avqust 1910
Doğum yeri	Milan, Milan əyaləti, Lombardiya, İtaliya krallığı;
Vəfat tarixi	21 avqust 1979 (68 yaşında)
Vəfat yeri	Rapallo, Genuya əyaləti, Liquriya, İtaliya;
Dəfn yeri	Milan monumental qəbiristanlığı[d];
Vətəndaşlığı	İtaliya; İtaliya;
Boyu	170 sm, 169 sm
Çəkisi	73 kq
Mövqeyi	hücumçu
	Vikianbarda əlaqəli mediafayllar

Cüzeppe Meattsa^[2] (it. Giuseppe Meazza, 23 avqust 1910^[1], Milan – 21 avqust 1979, Rapallo, Liquriya)^[3] — İtaliyalı keçmiş futbolçu, ikiqat dünya çempionu.

Daha çox "İnter" klubundakı çıxışları ilə tanınır. "İnter"in heyətində İtaliya A Seriyasında 365 oyunda 243 qol vurub.

İtaliya millisində 33 qol vurub və Luici Rivadan sonra İtaliya millisinin ikinci ən yaxşı bombardiridir.

Milan şəhərində San Siro kimi tanınan stadion Cüzeppe Meattsanın adını daşıyır.^[2]^[4]^[5]

Bioqrafiya

Cüzeppe Milanın məşhur Porta Romana məhəlləsindəki Via San Luicidə, Annibale Meattsa və Ersiliya Borcinin ailəsində anadan olub. Atası Birinci Dünya Müharibəsindən qayıtdıqdan qısa müddət sonra, müharibədə aldığı yaralardan ölür. Peşəkar futbolçu olana qədər Meattsa bir çörək sexində işləyib.

Karyerası

14 yaşında Cüzeppe "Maestri Kampionezli" adlı bir kluba qatılır. Orada demək olar ki, bütün mövqelərdə oynayır (qapıçı istisna olmaqla).

1924-cü ildə azarkeşi olduğu "Milan" klubuna keçmək istəyir. Ancaq "Milan" onun tez tez cəzalanmasına görə transfer etmir. Belə olanda Meattsa "İnter"ə keçir. Bu klubun gənclər komandasında oynayaraq ardıcıl iki dəfə — 25/26 və 26/27 mövsümlərində — regional çempionatın qalibi olur.^[6]

"İnter"in əsas heyətində 1927-ci ildə debüt edir və 1940-cı ilə qədər burada oynayır. "İnter" ilə 3 dəfə "Skudetto" qazanır. "İnter"in forması ilə ümumilikdə 408 oyunda meydanda olub 208 qol vurur.

1940-cı ildə "Milan"a keçir. "Milan" ilə 42 oyunda meydanda olaraq 11 dəfə fərqlənir.

Daha sonra hər birində bir mövsum olmaqla "Yuventus", "Vareze" və "Atalanta" klublarında oynayır. 1946-cı ildə isə "İnter"ə dönərək karyerasını burda bitirir. A seriyasında son matçını 1947-ci ilin iyununda "Bolonya" klubu ilə qarşılaşmada ilə oynayır.

Milli komanda

9 fevral 1930-cu ildə Romada İsveçrə ilə matçda İtaliya yığmasında debüt edir.

1934 Dünya Kubokundan sonra 23 yaşlı Meattsa İtaliyanın ən populyar futbolçusu olur. Bunun nəticəsində mal və xidmətlərin reklamı üçün futbol ulduzlarından istifadə ənənəsi onunla başlayır. Meattsa ətriyyat məhsullarının reklamını edir..

1937-ci ildə milli komandada ilk dəfə kapitan sarğısını taxır.

20 iyul 1939-cu ildə Helsinkidə Finlandiya Milli komandasına qarşı oyunda İtaliya Millisində son oyununu keçirir.

Oyun Stili

Meazza, o dövrlər üçün reaktiv bir sürət olan sürətli futbolçu sayılırdı. O 12 saniyədə 100 metr məsafəni futbol butsı ilə qaçırdı.

Bundan əlavə, topla necə davranacağını hamıdan yaxşı bilirdi. Zərif bədən quruluşu ilə qeyri-adi dərəcədə yüngül ayaqlı, asanlıqla havaya qalxır və heç kimin təkrarlaya bilməyəcəyi fəndlər edirdi.

Futbolçunun ləqəbi "Balilla" idi.

Karyera statistikası

Klub

Mövsum	Klub	Çempionat		Kubok		Avrokubok		Digər		Cəmi
Mövsum	Klub	Oyun	Qol	Oyun	Qol	Oyun	Qol	Oyun	Qol	Oyun	Qol
1927–28	İnter	33	12	-	-	-	-	-	-	33	12
1928–29		29	33	-	-	-	-	-	-	29	33
1929–30		33	31	-	-	-	-	-	-	33	31
1930–31		34	24	-	-	-	-	6	7	40	31
1931–32		28	21	-	-	-	-	-	-	28	21
1932–33		32	20	-	-	-	-	-	-	32	20
1933–34		32	21	-	-	-	-	6	5	38	26
1934–35		30	19	-	-	-	-	2	3	32	22
1935–36		29	25	2	1	-	-	2	2	33	28
1936–37		26	11	4	3	-	-	6	10	36	24
1937–38		26	20	4	8	-	-	-	-	30	28
1938–39		16	4	6	0	-	-	4	2	26	6
1939–40		-	-	-	-	-	-	1	0	1	0
1940–41	Milan	14	6	1	0	-	-	-	-	15	6
1941–42	Milan	23	3	4	2	-	-	-	-	27	5
1942–43	Yuventus	27	10	-	-	-	-	-	-	27	10
1944	Vareze	20	7	-	-	-	-	-	-	20	7
1945–46	Atalanta	14	2	-	-	-	-	-	-	14	2
1946–47	İnter	17	2	-	-	-	-	-	-	17	2
İnter ilə ümumi		365	243	16	12	-	-	27	29	408	284
Bütov karyerası		463	271	21	14	-	-	27	29	511	314