Corciya Universiteti — ABŞ — nın Corciya ştatının Atens şəhərində yerləşən dövlət universiteti. Əsası 1785-ci ildə qoyulub, ABŞ-ın ən qədim dövlət universitetlərindən biridir.[5] Universitet Corciya universitet sisteminin qabaqcıl[6] məktəbi hesab olunur.
2014-cü ildə ABŞ-də "U.S. News & World Report" jurnalının nəşrinə görə ABŞ Dövlət universitetlərinin reytinqində 20-ci yeri tutmuşdu.[7]
Avraam Bolduin Corciya Universitetinin qurucularından biri və ilk rektoru
Corciya Universiteti 1785-ci il yanvarın 27-də Corciya Baş Assambleyası tərəfindən təsis edilmişdir. Gələcək Corciya Universitetinə "kollec və ya seminariya" yaratmaq məqsədilə 40.000 akr (160 km) torpaq sahəsi verilmişdir.[8] Universitetin Elmi Şurası Corciya ştatı Senatının sədrlik edən Qəyyumlar Şurasından ibarət idi.
Universitetin Qəyyumlar Şurasının ilk iclası 13 fevral 1786-cı ildə Corciya ştatının Augusta şəhərində baş tutmuşdu.[9]
Universitet Vətəndaş müharibəsi səbəbindən 1863-cü ilin sentyabr ayında bağlandı və 1866-cı ilin yanvarında təxminən 80 tələbə ilə yenidən açıldı.[10]
Təşkilatı və idarəetməsi
Corciya Universitetinin rektoru baş idarəçidir. O, Corciya Müdirlər Şurası tərəfindən təyin və nəzarət edilir. 1785-ci ildə qurulandan bəri Corciya Universitetinin 22 rektoru olub. Hər bir kollec və məktəbə bir dekan rəhbərlik edir. Universitetdə tələbə-müəllim nisbəti bir müəllimə 17 tələbədir.[11][12]
Orta bakalavr tələbəsi üçün 9 aylıq tədris ilinə əsaslanan 2018–2019-cu illərin təxmini davamiyyət dəyərinə əsasən, Corciya sakinləri üçün təhsil və ödənişlər 11,830 ABŞ dollar, rezidentlər üçün isə 30,404 dollar təşkil edir. Orta beynəlxalq bakalavr tələbəsi üçün təhsil haqqı və ödənişlər (9 aylıq tədris ilinə əsasən) 30,392 ABŞ dollarıdır.
Təqaüdü
Corciya Universitetinin akademik təqvimi iki semestrdən ibarətdir. Təhsilin ümumi dəyəri hər il hesablanır. Corciya Universitetində yerli sakinlər üçün təhsil illik 4,438 $ başlayır. Xarici tələbələr üçün bir illik təhsilin qiyməti fərqlidir — minimal 12,590 $-dır. Universitetdə tələbələrə təhsil xərclərinin bir hissəsini ödəməyə kömək edən bir neçə təqaüd və tələbə maliyyə yardımı proqramları var.[13]
Təqaüd həm təhsil, həm də idman nailiyyətləri üçün mövcuddur. Universitet 12 idman növü üzrə təqaüd verir. Ən yaxşı 100 tələbə təhsil haqqının tam dəyərini və beynəlxalq səyahət və tədqiqatı maliyyələşdirən Foundation (Vəqf) təqaüdü alır.
Universitetə qəbul
Bakalavr
Universitet qəbul zamanı bir çox amilləri nəzərə alır: orta məktəb qiymətləri, xüsusən də orta məktəbdə təhsilin ciddiliyi — şagirdin məktəbin "qabaqcıl" və ya "çətin" təhsil alması, standart testlər, SAT və ya ACT[14] proqramları üzrə ballar, akademik və şəxsi nailiyyətlər, məktəbdənkənar fəaliyyətlər, məcburi məktəb məsləhətçisi qiymətləndirmə məktubu, həmçinin müəllimlərdən akademik tövsiyə məktubları və tələbənin şəxsi ifadəsi.[15][16] Bu, yerli ərizəçilər üçün tələblərdir.[17]
Görkəmli məzunları
Mary Etel Kresvell, 1919-cu ildə universitetdə bakalavr dərəcəsi alan ilk qadın
Universitetin məzunlarına 110-dan çox ştat və federal qanunverici hakim, 70 federal hakim və çoxsaylı Corciya ştatının Ali məhkəmə hakimləri, hökumət rəsmiləri və səfirlər daxildir.
