PROFILBARU.COM

Ceyhun Əbiyev
Ceyhun Əbiyev
Şəxsi məlumatlar
Tam adı	Ceyhun Əbiyev
Vətəndaşlığı	Azərbaycan
Doğum tarixi	24 oktyabr 1974 (50 yaş)
Doğum yeri	Bakı, Azərbaycan SSR;
Boyu	164 sm. (5 ft 6 in)
İdman növü	Boks

Ceyhun Əbiyev (24 oktyabr 1974, Bakı, Azərbaycan SSR) — Azərbaycanı təmsil edən boksçu.^[1]

Karyerası

Ceyhun Əbiyevin beynəlxalq turnirlərdə debütü 1996-cı ildə Vayle şəhərində (Danimarka) baş tutan Avropa Çempionatında oldu.^[2] Turnirin 1/8 final mərhələsində Ceyhun Əbiyev Ermənistan nümayəndəsi Nşan Munçyana 1:10 hesabı ilə məğlub oldu və mübarizəsini başa vurdu.^[2] 2002-ci ildə də Ceyhun Əbiyev Avropa Çempionatında uğursuz çıxış elədi.^[3] Rusiyanın Perm şəhərində baş tutan turnirin 1/8 final mərhələsində Ceyhun Əbiyev Rusiya nümayəndəsi Sergey Kazahova məğlub oldu və mübarizəsini başa vurdu.^[3]

Ceyhun Əbiyevin Dünya Çempionatlarında debütü 2003-cü ilin iyulunda Tailandda baş tutdu.^[4] Turnirin təsnifat mərhələsində Özbəkistan nümayəndəsi Otabəy Mamacanova 32:22, 1/8 final mərhələsində isə Bolqarıstan nümayəndəsi Səlim Səlimova 28:24 hesabları ilə qalib gələn Ceyhun Əbiyev turnirin 1/4 final mərhələsinə adladı.^[4] Bu mərhələdə onun rəqibi Pakistan nümayəndəsi Kərim Numan oldu.^[4] Gərgin idman mübarizəsi şəraitində baş tutan görüşdə Ceyhun Əbiyev rəqibinə 15:20 hesabı ilə məğlub oldu və medalın bir addımlığında mübarizəsini dayandıraraq Dünya Çempionatını beşinci pillədə başa vurdu.^[4]

2004-cü ildə Ceyhun Əbiyev üçüncü dəfə Avropa Çempionatında mübarizə apardı.^[5] Turnirin təsnifat mərhələsində Slovakiya nümayəndəsi Rudolf Didiya 28:24 hesabı ilə qalib gələn Ceyhun Əbiyev 1/8 final mərhələsində Macarıstan nümayəndəsi Pal Bedaya 22:42 hesabı ilə məğlub olaraq Avropa Çempionatında mübarizəsini uğursuz başa vurdu.^[5]

Ceyhun Əbiyev Azərbaycanı 2004-cü ilin avqustunda Yunanıstanın Afina şəhərində baş tutan XXVIII Yay Olimpiya Oyunlarında təmsil elədi.^[6] 48 Kq. turnirində çıxış edən 30 yaşlı Ceyhun Əbiyev Olimpiya Oyunlarında debüt edirdi.^[6] Ceyhun Əbiyev avqustun 18-də olimpiadanın 1/16 final mərhələsində son Avropa Çempionatının bürünc medalçısı Macarıstan nümayəndəsi Pal Beda ilə üz-üzə gəldi.^[6] Görüş ərzində rəqibindən tam üstün olan Ceyhun Əbiyev rəqibi üzərində 24:8 hesabı ilə qələbə qazandı və turnirin 1/8 final mərhələsinə adladı.^[6] Bu mərhələdə onun rəqibi Atagün Yalçınqaya oldu.^[6] Avqustun 21-də gərgin idman mübarizəsi şəraitində baş tutan görüşdə Ceyhun Əbiyev rəqibinə 20:24 hesabı ilə məğlub oldu və Afina Olimpiadasını doqquzuncu pillədə başa vurdu.^[6]

Olimpiadadan sonra Ceyhun Əbiyev 2005-ci ilin noyabrında Çində baş tutan Dünya Çempionatında mübarizə apardı.^[7] Ceyhun Əbiyev turnirin təsnifat mərhələsində Özbəkistan nümayəndəsi Fazil Feyziyev üzərində qələbə qazansa da (16:10), 1/8 final mərhələsində Qazaxıstan nümayəndəsi Bircan Cahipova məğlub olaraq (18:32) Dünya Çempionatında mübarizəsini başa vurdu.^[7]

2006-cı ildə isə Ceyhun Əbiyev Bolqarıstanın Plovdiv şəhərində baş tutan Avropa Çempionatında mübarizə apardı.^[8] Turnirin təsnifat mərhələsində Belarus nümayəndəsi Anton Begeşa 40:22, 1/8 final mərhələsində isə Uels nümayəndəsi Mo Nasira 22:18 hesabları ilə qalib gələn Ceyhun Əbiyev turnirin 1/4 final mərhələsinə adladı.^[8] Bu mərhələdə onun rəqibi Ermənistan nümayəndəsi Ovannes Danielyan oldu.^[8] Bu görüşdə Ceyhun Əbiyev rəqibinə 20:33 hesabı ilə məğlub oldu və medalın bir addımlığında mübarizəsini dayandıraraq Avropa Çempionatını beşinci pillədə başa vurdu.^[8]

Bir il sonra, 2007-ci ildə Ceyhun Əbiyev Birləşmiş Ştatlarda baş tutan Dünya Çempionatında mübarizə aparsa da, turnirin 1/16 final mərhələsində Ukrayna nümayəndəsi Georgi Çigayeva 22:34 hesabı ilə məğlub olaraq turnirdə mübarizəsini uğursuz başa vurdu.^[9]

Ceyhun Əbiyev 2008-ci ildə idmanla vidalaşdı. Ceyhun Əbiyev Azərbaycan Milli Məclisinin sabiq deputatı Ağacan Abıyevin qardaşı oğludur.

Nəticələri

Sıra	İl	Yarış	Ev sahibi	Nəticə
1	1996	Avropa Çempionatı	Danimarka	PAT
2	2002	Avropa Çempionatı	Rusiya	PAT
3	2003	Dünya Çempionatı	Tailand	5.
4	2004	Avropa Çempionatı	Xorvatiya	PAT
5	2004	Olimpiya Oyunları	Yunanıstan	PAT
6	2005	Dünya Çempionatı	Çin	PAT
7	2006	Avropa Çempionatı	Bolqarıstan	5.
8	2007	Dünya Çempionatı	ABŞ	PAT

İstinadlar

↑ Olympedia.org. "Ceyhun ƏBİYEV". www.olympedia.org (ingilis). 2022-08-30. 2022-05-24 tarixində arxivləşdirilib. İstifadə tarixi: 30.08.2022.
↑ ¹ ² Amateur-boxing.strefa.pl idman portalı. "1996 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
↑ ¹ ² Amateur-boxing.strefa.pl idman portalı. "2002 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
↑ ¹ ² ³ ⁴ Amateur-boxing.strefa.pl idman portalı. "2003 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
↑ ¹ ² Amateur-boxing.strefa.pl idman portalı. "2004 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
↑ ¹ ² ³ ⁴ ⁵ ⁶ Olympedia.org. "2004 Summer Olympics / Boxing / Light-Flyweight (48 Kilograms) / Men". www.olympedia.org (ingilis). 2022-08-30. 2022-05-30 tarixində arxivləşdirilib. İstifadə tarixi: 30.08.2022.
↑ ¹ ² Amateur-boxing.strefa.pl idman portalı. "2005 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
↑ ¹ ² ³ ⁴ Amateur-boxing.strefa.pl idman portalı. "2006 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
↑ Amateur-boxing.strefa.pl idman portalı. "2007 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.