Ceyhun Cəlilov

Ceyhun Cəlilov
Naxçıvan Muxtar Respublikasının Baş naziri
Vəzifədədir
25 aprel 2024-cü ildən
Əvvəlki	Səbuhi Məmmədov
Naxçıvan Muxtar Respublikasının əmək və əhalinin sosial müdafiəsi naziri
15 mart 2023 – 25 aprel 2024
Əvvəlki	Nicat Babayev
Sonrakı	Fərid Bağırzadə (i. e.)
Şəxsi məlumatlar
Doğum tarixi	1987
Doğum yeri	Şahbuz, Şahbuz rayonu, Naxçıvan MSSR, Azərbaycan SSR, SSRİ
Təhsili	Azərbaycan Dövlət İqtisad Universiteti (2005–2012), Esseks Universiteti (2012–2013)
Fəaliyyəti	siyasətçi

Ceyhun Ramiz oğlu Cəlilov (1987, Şahbuz) — Azərbaycan iqtisadçısı və dövlət xadimi, Naxçıvan Muxtar Respublikasının Baş naziri (2024-cü ildən), Naxçıvan Muxtar Respublikasının əmək və əhalinin sosial müdafiəsi naziri (2023–2024).

Həyatı

Ceyhun Ramiz oğlu Cəlilov 1987-ci ildə Naxçıvan Muxtar Respublikasının Şahbuz şəhərində anadan olmuşdur. 2009-cu ildə Azərbaycan Dövlət İqtisad Universitetinin Beynəlxalq iqtisadi münasibətlər ixtisası üzrə bakalavr, 2012-ci ildə magistratura pillələrini bitirmişdir. 2013-cü ildə Böyük Britaniyanın Esseks Universitetinin Maliyyə ixtisası üzrə magistratura səviyyəsini başa vurmuş, ardınca İmtiyazlı İdarəedici Mühasiblər İnstitutunda (CIMA) Strateji idarəetmə səviyyəsi üzrə təhsilini davam etdirmişdir.^[1]

Ceyhun Cəlilov 2011–2013-cü illərdə Azərbaycan Respublikası İqtisadi İnkişaf Nazirliyinin Beynəlxalq Təşkilatlarla əməkdaşlıq şöbəsində, 2013–2021-ci illərdə isə "BP Caspian" şirkətinin Maliyyə departamentində müxtəlif vəzifələrdə çalışmışdır. 1 mart 2021-ci ildə Dayanıqlı və Operativ Sosial Təminat Agentliyinin idarə heyəti sədrinin müşaviri, 13 avqust 2021-ci ildə isə idarə heyəti sədrinin müavini vəzifəsinə təyin edilmişdir.^[1]

Naxçıvan Muxtar Respublikası Ali Məclisi sədrinin 15 mart 2023-cü il tarixli Sərəncamı ilə Naxçıvan Muxtar Respublikasının əmək və əhalinin sosial müdafiəsi naziri təyin olunmuşdur.^[2] 25 aprel 2024-cü ildə bu vəzifədən azad edilərək^[3] Naxçıvan Muxtar Respublikasının Baş naziri təyin edilmişdir.^[4]

İstinadlar

1. "Naxçıvanda naziri nazir müavini təyin etdilər". APA TV. 2023-03-16. 2024-04-25 tarixində arxivləşdirilib. İstifadə tarixi: 2024-04-25.
2. "C. R. Cəlilovun Naxçıvan Muxtar Respublikasının əmək və əhalinin sosial müdafiəsi naziri təyin edilməsi haqqında Naxçıvan Muxtar Respublikası Ali Məclisi sədrinin Sərəncamı". Şərq qapısı. 2023-03-16. 2023-03-30 tarixində arxivləşdirilib. İstifadə tarixi: 2024-04-25.
3. "C. R. Cəlilovun Naxçıvan Muxtar Respublikasının Əmək və əhalinin sosial müdafiəsi naziri vəzifəsindən azad edilməsi haqqında Naxçıvan Muxtar Respublikası Ali Məclisinin Qərarı". Şərq qapısı. 2024-04-25. 2024-08-14 tarixində arxivləşdirilib. İstifadə tarixi: 2024-04-25.
4. "C. R. Cəlilovun Naxçıvan Muxtar Respublikasının Baş naziri təyin edilməsi haqqında Naxçıvan Muxtar Respublikası Ali Məclisinin Qərarı". Şərq qapısı. 2024-04-25. 2024-08-14 tarixində arxivləşdirilib. İstifadə tarixi: 2024-04-25.