Çərkəz İbrahim Paşa (ö. fevral 1697) — II Mustafa səltənətində müxtəlif vəzifələrdə xidmət edən Osmanlı dövlət xadimi.[1]
Həyatı
Əslən çərkəz olub, doğum tarixi məlum deyil. Dəvşirmə olaraq Sultan Mehmed dönəminin sonlarında Əndəruna alınaraq yetişdirilmişdir. 1695-ci ildə Adana sancaqbəyi olaraq saraydan ayrıldı. Həmin ilin sentyabrında Sultan Mehmedin qızlarından Fatma Sultanla nigahlandı. Ardından vəzir rütbəsi alaraq Silistrə bəylərbəyi oldu. Ancaq 1697-ci ilin fevralında əyalətdəki özbaşınalığı və zülmkarlığı səbəbilə kəndxudası Əhməd Paşayla birlikdə edam edildi.
Fatma Sultanla olan evliliyindən Ruqiyyə xanım Sultan (ö. 1720) adlı bir qızı dünyaya gəlmişdir ki, o da 1709-cu ildə Osman Paşa ilə evləndirildi. İlk evliliyindən isə Həsən bəy (ö. 1751), Mehmed bəy (ö. 1765), Hafiz bəy (ö. 1767) və Seyid Mustafa bəy (ö. 1781) adlı oğulları olmuşdur.
İstinadlar
- ↑ Sicill-i Osmani III, səh. 100
