Bandera de la Lliga Árabe, que los sos estaos tienen Árabe Estándar Modernu como llingua oficial.
El Árabe estándar modernu (MSA; árabe: اللغة العربية الفصحىal-lughah al-ʻArabīyah al-fuṣḥá, "la más elocuente llingua árabe") ye una variante de la llingua árabe culta común que se desenvolvió a partir de la renacencia lliteraria Nahda que vivió'l Mundu Árabe a partir d'empiezos del sieglu XIX. L'árabe lliterariu o estándar modernu naz del intentu realizáu especialmente na zona oriental del Máshreq de revitalizar la llingua culta (que'l so nivel cayera abondo dende la dómina clásica) y d'evitar la completa fragmentación llingüística de los árabes en comunidaes mutuamente inintelixibles (árabe dialeutal).
Como llingua, l'árabe estándar modernu ye una versión anidiada, más senciella y puesta al día en vocabulariu y espresiones, del árabe clásicu que puede atopase na lliteratura clásica árabe. Esta versión d'árabe cultu modernu ye la que predomina nos medios de comunicación escritos y falaos.
Referencies
Holes, Clive (2004) Modern Arabic: Structures, Functions, and Varieties Georgetown University Press. ISBN 1-58901-022-1
