Tau Andromedae (τ And / 53 Andromedae)[1] ye una estrella de la constelación d'Andrómeda.
De magnitú aparente +4,96, alcuéntrase a 712 años lluz de distancia del Sistema Solar.
Carauterístiques
Tau Andromedae ta clasificada nos catálogos estelares como xigante azul de tipu espectral B8III-IV o B5III.[2][1]
La so temperatura efectivo ye d'aproximao 13.000 K, con una lluminosidá ente 910 soles —considerando'l so tipu espectral como B8— y 1200 soles —pa tipu B5—.
Seis veces más grande que'l Sol, xira sobre sigo mesma con una velocidá de rotación proyeutada de 91 km/s, completando una vuelta cada 3,3 díes.[3]
La teoría d'estructura y evolución estelar suxeren una masa pa Tau Andromedae ente 4,5 y 4,6 mases solares.
Con una edá actual de daqué más de 100 millones d'años, enantes foi una estrella muncho más caliente de tipu B2.5V.
Suxirióse que, más qu'una verdadera xigante, ye una estrella a la fin de la so etapa na secuencia principal o una subxigante, que ta terminando —si ye que nun lo fixo yá— la fusión del so hidróxenu internu.[3]
Probable compañera estelar
Tau Andromedae paez tener una compañera estelar de magnitú +11,5 separada visualmente d'ella 52 segundos d'arcu.
Comparte movimientu propiu con Tau Andromedae, lo que suxer que dambes estrelles tán físicamente amestaes.
La separación real ente elles ye de más de 11.500 UA y el so periodu orbital nun ye inferior a 530.000 años.[3]
Referencies
Coordenaes: 
1h 40m 34.816s, 40° 34′ 37.374″
