Susana Ferrari Billinghurst (20 de marzu de 1914, Buenos Aires – 13 d'agostu de 1999, Salta) foi una aviadora arxentina d'orixe italianu y anglu-irlandés, nacida en Buenos Aires, que marcó un finxu na aviación, al convertise na primer muyer en llograr llicencia comercial nel continente d'América del Sur nel añu 1937. L'aviadora yera la fía de Don Alfredo Ferrari de Micheli, militar italianu y Mayor del Exércitu n'Artillería, y de Doña Rosa Billinghurst y Kidd-Lynch. La so nieta Luciana Pedraza ta casada col llexendariu actor de Hollywood Robert Duvall, 7 vegaes nomáu al Oscar como meyor actor y ganador del mesmu nuna ocasión.
Antecedentes familiares
Fía del condecoráu militar Alfredo Ferrari (militar) moteyáu Lieutenant Dieu na Guerra Greco-Turca de 1897
Sobrina del aviador Lisandro Billinghurst
Nieta de Mariano Billinghurst, políticu, empresariu, introductor de la tranvía inglés en Buenos Aires
