La semeya d'una violinista ye una pintura al oleu realizada nel añu 1773 pol artista francés Anne Vallayer-Coster que s'atopa nel Muséu Nacional d'Estocolmu, Suecia.[1]
Descripción
Esta obra presenta a una muyer sentada con un violín na mano derecha y sobre el so cuellu un llibru abiertu de música. Vallayer nun se casó hasta l'añu 1781, polo tanto yera probable qu'inda trabayara con modelos de miembros familiares cuándo pinto esta obra. Especulóse que la muyer qu'apaez na pintura posiblemente yera una de les sos hermanes, anque se desconoz si dalguna desus hermanes yera música. Per otru llau, les semeyes realizaes pol pintor yeren raros que fueren del so círculu interior. Vallayer tuvo almitíu en la Académie Royale de Peinture et d'Escultura en 1770 poles sos pintures de naturaleces muertes, munches de les cuales siguen na coleición del muséu del Louvre, incluyendo un bodegón de preseos musicales con un violín similar.
Atributos de Música, Louvre, 1770
Procedencia
Esta pintura de semeya tuvo adquirida por 903,000 euros nuna puya del añu 2015 pol muséu suecu que tamién tien otros dos de les sos naturaleces muertes. El so preciu foi un récor mundial pa pintures de Vallayer.[2]
Según la llista de la casa de puya, la pintura provenía d'una de les munches obres vendíes en 1783 por Jean-Benjamin de La Borde, un violinista y compositor, que fuera ayuda de cámara de cámara de Lluis XV de Francia.[3]
Europeana 280
N'abril de 2016, la pintura Retrato d'una violinista foi escoyida como una de les diez más grandes obres artístiques de Suecia pel proyeutu Europeana.[4]
