Raymond Bernard Cattell (20 de marzu de 1905, West Bromwich – 2 de febreru de 1998, Honolulu) foi un sicólogu británicu afincáu depués n'Estaos Xuníos. Cattell teorizó sobre la intelixencia y la personalidá, proponiendo la esistencia d'una intelixencia fluyida y una intelixencia cristalizada. Trátase d'unu de los psicólogos más famosos del sieglu XX, a lo qu'hai que xunir la so gran productividá lliteraria, lo que-y dio la fama. Ye l'autor o coautor de 55 llibros y más de 500 artículos en revistes especializaes y de divulgación, amás de facer o participar en, polo menos, 300 pruebes estandarizadas d'usu común ente los psicólogos.
Como sicólogu, Cattell foi siguidor y defensor del métodu científicu aplicáu a la sicoloxía, siendo de los primeros en proponer el métodu d'analís de factores, n'oposición a lo que llamaba verbal theorizing (teorización verbal). Una de les aplicaciones más importantes del analís factorial de Cattell na sicoloxía foi la definición de 16 factores o traces fundamentales que soxacíen a la personalidá humana. A estos factores llamólos factores fonte, yá que pensaba qu'a partir d'ellos creábase la personalidá individual. Esta teoría de los 16 factores y los preseos estandarizaos usaos pa la so midida, conócense coleutivamente como 16PF o 16 factores de la personalidá (16 Personality Factors).
Ver tamién
Referencies
- ↑ 1,0 1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: autoridaes BNF. Identificador BnF: 12377726q. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
Enllaces esternos
