Los Premios Globu d'Oru (n'inglés: Golden Globe Awards) son gallardones concedíos polos 93 miembros de l'Asociación de la Prensa Estranxera de Hollywood (HFPA; poles sos sigles n'inglés) en reconocencia a la escelencia de profesionales en cine y televisión, tantu n'Estaos Xuníos como a nivel mundial. La ceremonia añal, na que se premia a los ganadores son premiaos, forma parte de la temporada de premios cinematográficos, que'l so entamu tien llugar ente ochobre o payares del añu anterior, pa rematar ente febreru o marzu cola ceremonia d'entrega de los Premios Óscar.[1]
La 1° ceremonia de premiación tuvo llugar en xineru de 1944 nos estudios de 20th Century-Fox en Los Angeles. La 72° ceremonia —la más recién— tuvo llugar el 11 de xineru de 2015 nel hotel Beverly Hilton en Beverly Hills, sede de la ceremonia dende 1961.[2]
Historia
En 1943, un grupu d'escritores xunierónse pa formar l'Asociación de la Prensa Estranxera de Hollywood, y de la mesma, pa crear el so propiu gallardón, el Globu d'Oru, que xuega un papel fundamental nel mercáu cinematográficu na actualidá.[3] La primer ceremonia d'estos premios, tuvo llugar en 1944 nos estudios de 20th Century-Fox y reconoció los llogros de dicha industria producíos en 1943. Les subsecuentes ceremonies ficiéronse en distintos llugares, incluyendo l'hotel Beverly Hilton, hasta'l Hollywood Roosevelt Hotel.[4]
En 1950, l'Asociación de la Prensa Estranxera tomó la decisión de dar un premiu honoríficu pa reconocer los llogros y contribuciones a la industria del entretenimientu. Reconociendo'l so papel como figura internacional en talu campu, el primer premiu honoríficu foi-y apurríu al direutor y productor Cecil B. DeMille. Consecuentemente, dichu premiu honoríficu pasó a llamase Premiu Cecil B. DeMille.[5]
Categoríes
Cine
- Meyor película - Drama
- Meyor película - Comedia o musical
- Meyor direutor
- Meyor actor - Drama
- Meyor actor - Comedia o musical
- Meyor actriz - Drama
- Meyor actriz - Comedia o musical
- Meyor actriz de repartu
- Meyor actor de repartu
- Meyor guión
- Meyor banda sonora
- Meyor cantar orixinal
- Meyor película en llingua non inglesa
- Meyor película animada (dende 2006)
- Premiu Cecil B. DeMille pol trabayu d'una vida
Televisión
- Meyor serie - Drama
- Meyor serie - Comedia o musical
- Meyor miniserie o telefilme
- Meyor actriz de miniserie o telefilme
- Meyor actor de miniserie o telefilme
- Meyor actor de serie de TV - Drama
- Meyor actor de serie de TV - Comedia o musical
- Meyor actriz de serie de TV - Drama
- Meyor actriz de serie de TV - Comedia o musical
- Meyor actor de repartu de serie, miniserie o telefilme
- Meyor actriz de repartu de serie, miniserie o telefilme
Categoríes descontinuaes
- Nueva estrella del añu Actor (1948-1983)
- Nueva estrella del añu-Actriz (1948-1983)
- Nueva estrella del añu (1951 y 1982)
- Meyor documental (1972, 1973 y 1977)
- Película estranxera de fala inglesa (1957-1973)
- Premiu Henrietta
- Actriz favorita (1950-1979)
- Actor favoritu (1950-1979)
- Meyor película que promueve l'entendimientu mundial (1945-1963)
- Meyor cinematografía (1947-1952, 1954 y 1962)
Ceremonies
Referencies
Enllaces esternos