Petermanniaceae
Les petermaniacees (nome científicu Petermanniaceae) son una familia de plantes orixinaries del este d'Australia, onde son rares. Son enredaderes maderices rizomatosas con fueyes peciolaes con venación reticulada y bilortos opuestos a les fueyes. Les flores pequeñes, que nacen n'inflorescencies cimosas, tienen un ovariu ínfero y el frutu ye carnosu. La inflorescencia y los bilortos son terminales, pero vuélvense opuestos a les fueyes a midida que son desallugaos pol fuerte crecedera d'un biltu axilar. La familia ye reconocida por sistemes de clasificación modernos como'l sistema de clasificación APG III (2009[1]) y el APWeb (2001 d'equí p'arriba[2]) onde consta d'un únicu xéneru Petermannia F.Muell.[3] con una única especie Petermannia cirrosa. Sicasí la especie foi incluyida en Colchicaceae como única especie del xéneru Petermannia en APG (1998[4]) y nel sistema de clasificación APG II del (2003[5]), pero agora sábese que l'ADN utilizáu pa faer l'analís vieno en realidá d'una planta de Tripladenia cunninghamii que fuera mal identificada como Petermannia (M. W. Chase, datos ensin publicar, citáu en Soltis et al. 2005: p.104). La verdadera Petermannia resultó ser hermana de (Colchicaceae + (Alstroemeriaceae sensu stricto + Luzuriagaceae)), nos Liliales, polo que puede ser apropiáu reinstaurar a la familia Petermanniaceae (como suxuren Soltis et al. 2005 y de fechu facer el APG III y el APWeb[2]).
Ver tamién
Referencies
- Soltis, D. E.; Soltis, P. F., Endress, P. K., y Chase, M. W. (2005). «Liliales», Phylogeny and evolution of angiosperms.. Sunderland, MA: Sinauer Associates, páx. 103-104.
Referencies citaes
- ↑ The Angiosperm Phylogeny Group III ("APG III", n'orde alfabéticu: Brigitta Bremer, Kåre Bremer, Mark W. Chase, Michael F. Fay, James L. Reveal, Douglas E. Soltis, Pamela S. Soltis y Peter F. Stevens, amás collaboraron Arne A. Anderberg, Michael J. Moore, Richard G. Olmstead, Paula J. Rudall, Kenneth J. Sytsma, David C. Tank, Kenneth Wurdack, Jenny Q.-Y. Xiang y Sue Zmarzty) (2009). «An update of the Angiosperm Phylogeny Group classification for the orders and families of flowering plants: APG III.». Botanical Journal of the Linnean Society (161): páxs. 105-121. http://www3.interscience.wiley.com/journal/122630309/abstract.
- ↑ 2,0 2,1 Stevens, P. F. (2001 d'equí p'arriba). «Angiosperm Phylogeny Website (Versión 9, xunu del 2008, y actualizáu dende entós)» (inglés). Consultáu'l 7 de xunetu de 2008.
- ↑ Petermannia. Fragm. 2: 93 (1860).
- ↑ Angiosperm Phylogeny Group. (1998). «An ordinal classification for the families of flowering plants.». Ann. Misouri Bot. Gard. 85: p. 531-553.
- ↑ APG II (2003). «An Update of the Angiosperm Phylogeny Group Classification for the orders and families of flowering plants: APG II.». Botanical Journal of the Linnean Society (141): páxs. 399-436. http://www.blackwell-synergy.com/doi/pdf/10.1046/j.1095-8339.2003.t01-1-00158.x. Consultáu'l 6 de xunu de 2008.
Enllaces esternos
|
|