El New York Post ye un diariu d'Estaos Xuníos fundáu na ciudá de Nueva York en 1801 por Alexander Hamilton como New York Evening Post, lo que-y convierte nun de los periódicos más vieyos qu'entá espublízase. En 1933 entamó a asoleyase en formatu tabloide. Dende 1977 pertenez al grupu de medios de Rupert Murdoch.
Ente les décades de 1960 y 2000, el New York Post caltuvo una tirada d'ente 480.000 y 700.000 exemplares. Ye ún de los periódicos emblemáticos del nomáu periodismu mariellu y d'elles encuestes afítanlu como'l menos creíble pente los asoleyaos na ciudá de Nueva York.
Nel so aspeutu formal destaca l'usu ablucante de recursos tipográficos y semeyes. Emplega un llinguax popular y percenciellu, y ye conocío pola probe calidá d'empresión.
Referencies
Enllaces esternos