Natalie Jane Imbruglia (4 de febreru de 1975, Sydney) ye una cantante y actriz australiana.
Carrera
De padre sicilianon —procedente de Messina— y madre australiana, ye la segunda de cuatro hermanos. Natalie creció na Mariña Central, al norte de Sydney. Como Jason Donovan y Kylie Minogue, tamién participó na serie de televisión Neighbours (Vecinos) antes d'empezar la so carrera de cantante.
El so primer senciellu, «Torn», en 1997, algamó'l númberu dos nes llistes ingleses y el so álbum Left of the Middle vendió seis millones de copies. El siguiente n'apaecer, en 2001, foi White Lilies Island, que vendió más d'un millón de copies. En 1999 collaboró con Tom Jones nel so discu Reload.
Imbruglia volvió actuar en 2002 nun papel secundariu na parodia d'espíes Johnny English, xunto con Rowan Atkinson. Casóse col so noviu Daniel Johns, cantante de Silverchair, dempués d'un llargu novialgu, el 31 d'avientu de 2003.
N'abril de 2005, Imbruglia llanzó'l so tercer trabayu d'estudiu, Counting Down The Days nel Reinu Xuníu, que algamó'l númberu unu en ventes na so primer selmana. El primer senciellu d'esti álbum foi «Shiver». Ésti convirtióse nel so senciellu más esitosu nel Reinu Xuníu dende'l so debú. El segundu senciellu foi «Counting Down The Days», llanzáu'l 25 de xunetu, qu'a pesar de que tuvo menos ésitu que «Shiver», llogró caltener l'interés nel trabayu de Imbruglia, apoderando les emisores de radio como l'anterior.
En 2009 publica Come to Life, un álbum nel que cuntó cola collaboración del cantante de Coldplay, Chris Martin, componiendo delles temes como «Lukas», «Fun» y «Want», y tamién cola participación de Brian Eno na producción.[5]
N'avientu de 2013 anuncia, al traviés de la so cuenta de Instagram, que ta trabayando nun nuevu álbum de covers, producíu por Christian Medice y Billy Mann.[6]
Discografía
Álbumes
Escoyetes
Senciellos
- De Left of the Middle
- De White Lilies Island
- De Counting Down the Days
- De Glorious: The Singles 97-07
- De Come To Life
- De Male
Apaiciones
- «Troubled by the Way We Came Together» en Go O.S.T. (1999)
- «Never Tear Us Apart» con Tom Jones en Reload (1999)
- «Identify» en Stigmata O.S.T (1999)
- «Cold Air» en Y tu mamá también O.S.T. (2001)
- «Pineapple Head» en She Will Have Her Way (2005)
Versiones
La tema «Smoke» foi versionado pela banda de rock góticu alemana Dreadful Shadows, nel so discu Apology, l'añu 2000.
Tamién el senciellu «Torn» foi versionado pola banda One Direction en The X Factor 2010 y pola banda alemana The Baseballs.
Collaboraciones
- All the Magic - Película.- Winx Club Il Segreto del Regno Perduto (Winx Club El Secretu del Reinu Perdíu) (2007)
Referencies
Enllaces esternos
