| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Mayoría absoluta}} ~~~~ |
Denómase mayoría absoluta a la circunstancia que se da nuna votación cuando un candidatu o proposición llogra más de la metá de los votos.
Sistemes parllamentarios
Polo xeneral, nos sistemes parllamentarios y, por estensión, en cualquier órganu colexáu públicu o priváu, dizse que ye necesaria la mayoría absoluta cuando la votación sobre un asuntu sometíu a la so considerancia rique, pa la so aprobación, una mayoría igual o superior a la metá más unu del númberu total de miembros del órganu en cuestión, sían o non éstos asistentes a la sesión del mesmu.
Nesti casu, nun se tien en cuenta'l númberu de miembros presentes, de tal suerte que la mayoría de miembros presentes, si nun representa la mayoría absoluta de miembros totales, nun da llugar a l'aprobación del alcuerdu. Igualmente, tener en cuenta como miembros nel cómputu, non yá a quien puedan exercer nesi momentu'l so derechu, sinón tamién a aquellos que, por diversos motivos, nun puedan - bien por atopase ausentes, enfermos o cesar- si'l relevu de los mesmos nun se produció.
Eleiciones
Nes eleiciones de dellos países, úsase'l conceutu de mayoría absoluta de los sufraxos válidamente emitíos, pa decidir qu'un candidatu foi electu o non o pa tener mayoría absoluta nel parllamentu.
En casu de que nengún candidatu algame dicha mayoría absoluta, puede esistir un mecanismu de segunda vuelta ente les dos más altes mayoríes relatives, o establecese que dalgún órganu, xeneralmente'l Congresu o Parllamentu, escueya al ganador.
Ver tamién
Referencies
