María Teresa Mallada de Castro (1973, Cabanaquinta) ye una inxeniera de mines y política española del Partíu Popular d'Asturies. Foi presidenta de la empresa pública estatal Hunosa ente los años 2012 al 2018 [1]y ye profesora acomuñada de la Universidá d'Uviéu.[2] Anguaño ye la vocera del Partíu Popular na Xunta Xeneral del Principáu d'Asturies.[3]
Biografía
Trayeutoria académica
María Teresa Mallada ye Doctora ya Inxeniera de Mines pola Universidá d'Uviéu. Tamién cursó un Máster Oficial n'Inxeniería Ambiental pola Universid Alfonso X el Sabiu, un Máster Oficial en Prevención de Riesgos Llaborales pola Universidá Camilo José Cela y un Máster Oficial n'Alministración y Direición d'Empreses pola Universidá Europea.[4]
Trayeutoria profesional
La carrera de María Teresa Mallada ta venceyada a la empresa pública mineru-enerxética Hunosa, onde desempeñó distintos puestos. Amás de los sos puestos nos departamentos de medioambiente y d'Inxeniería y proyeutos, María Teresa foi inxeniera auxiliar de los pozos Carrio y María Luisa, onde exerció la máxima responsabilidá na organización del trabayu de dambes esplotaciones mineres.[5]
Dende febreru de 2012 hasta xunetu de 2018, María Teresa Mallada foi presidenta d'Hunosa, siendo la persona más nueva y primer muyer n'ocupar dicho cargu. Tamién ye miembru del conseyu d'alministración d'Hunosa en representación de la Xunta Xeneral.
Fuera d'Hunosa, María Teresa Mallada ye Profesora Acomuñada del Departamentu d'Alministración d'Empreses de la Universidá d'Uviéu. Conseyera Xeneral de Liberbank[6] y presidenta de Sociedá Asturiana de Diversificación Minera (Sadim) y Sociedá pal Desenvolvimientu de les Contornes Mineres (Sodeco).
Trayeutoria política
María Teresa Mallada fundó les Nueves Xeneraciones del Partíu Popular d'Asturies nel so conceyu natal (Ayer), siendo presidenta y conceyala del mesmu nel conceyu y vicesecretaria territorial del partíu.
Nes eleiciones a la Xunta Xeneral del Principáu d'Asturies de 2011 ocupó'l novenu puestu na llista'l Partíu Popular pola circunscripción central.[1] En xineru de 2019 foi designada como candidata a la presidencia d'Asturies.
Referencies
- ↑ 1,0 1,1 España, La Nueva. «María Teresa Mallada nueva presidenta d'Hunosa - La Nueva España - Diariu Independiente d'Asturies». Archiváu dende l'orixinal, el 2019-04-22. Consultáu'l 8 de marzu de 2018.
- ↑ «Copia archivada». Archiváu dende l'orixinal, el 25 de payares de 2018. Consultáu'l 25 de payares de 2018.
- ↑ Álvarez, Pablo (14 de xunetu de 2019). "Nos próximos cuatro años vamos faer coses bien parecidasa a les del PP de Galicia". Uviéu: La Nueva España.
- ↑ «CV». Archiváu dende l'orixinal, el 2018-03-08.
- ↑ Comerciu, El. «La inxeniera de mina María Teresa Mallada, primer muyer que preside Hunosa» (castellanu). Consultáu'l 8 de marzu de 2018.
- ↑ 20Minuto. La popular Teresa Mallada, nueva presidenta d'HUNOSA. 20minutos.es - Últimes Noticies. https://www.20minutos.es/noticia/1319084/0/. Consultáu'l 8 de marzu de 2018.
Enllaces esternos
_Jornada_apertura_Convenci%C3%B3n_2019_Partido_Popular._(32950508998)_(cropped).jpg)
