María Rozman (18 de marzu de 1970, Santa Cruz de Tenerife) ye una direutora de noticies d'orixe español de Telemundo Washington DC y ganadora del Emmy.
Trayeutoria
Trabayó para CNN Español, onde tamién foi nomada pa un premiu Emmy Nacional, y primeramente en Telemundo Denver como direutora y presentadora de noticies. Arriendes tamién como presentadora de noticies d'Univision en Denver. Rozman entrevistó al entós presidente d'Estaos Xuníos Barack Obama en 2012 y 2013 como parte de la divulgación de l'Alministración a los votantes hispanos, convirtiéndose na única española n'entrevistar a un presidente d'Estaos Xuníos dos vegaes.[1]
María Rozman foi nomada productora executiva del programa de televisión «Noticiero Telemundo Denver» y trabayó en Univision hasta 2009. Tamién foi direutora de programes n'español nel Ohio Center for Broadcasting, una escuela de radio y televisión.[2]
Nel añu 2018, María Rozman foi la pregonera de les fiestes fundacionales de la so ciudá natal, Santa Cruz de Tenerife.[3] Ente que nel 2019 foi una de los presentadores de la Gala d'Elección de la Reina del Antroxu de Santa Cruz de Tenerife.[4]
Na actualidá, exerz de comentarista de noticies rellacionaes con Estaos Xuníos na Televisión Canaria. Dende 2022 ye direutora d'Atlántico Televisión, la primer cadena rexonal de televisión privada de Canaries.[5]
Educación
Rozman asistió a la Universidá de La Laguna en Tenerife, au estudió Derechu. Tamién tien una llicenciatura en Ciencies de les Comunicaciones y Artes de Negocios.
Referencies
