María Fiódorovna Nagaya (rusu: 'Мария Фёдоровна Нагая' ) (8 de febreru de 1553 – 1608, Moscú) foi una zarina rusa, la octava (non canónica) esposa d'Iván el Tarrecible.
María casóse con Iván IV en 1581 y un añu dempués dio a lluz al so fíu Dimitri. Dempués de la muerte del zar en 1584, Nagaya, el so fíu, el so padre y los sos hermanos fueron unviaos al exiliu por Borís Godunov en Úglich, onde vivió hasta la misteriosa muerte del zarévich Dimitri en 1591. María y los sos parientes fueron acusaos de "neglixencia criminal" y, como resultancia, los sos hermanos fueron encarcelaos y ella túvose que faer monxa y zarrase nun monesteriu. En 1605, dempués de l'ascensión al tronu de Dimitri I "El Falsu" en Moscú, Nagaya foi forzada a reconocelo como'l so fíu y volvió a Moscú. Tolos miembros de la so familia fueron lliberaos, reinstaurados nos sos cargos y devolviéronse-yos les propiedaes que se-yos había confiscado. Dempués de la muerte del primer falsu Dimitri en 1606, María Nagaya refugó'l qu'ésti fuera'l so fíu.
Referencies
- ↑ Identificador de persona en The Peerage: p11489.htm#i114890. Data de consulta: 7 agostu 2020.
Enllaces esternos
