Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|María Mercedes Coroy}} ~~~~
María Mercedes Coroy —la sesta fía ente nueve hermanos— vivió siempres nel so natal Santa María de Jesús, nes faldes del Volcán d'Agua; la so casa d'habitación ye bien ordenada y tien un pequeñu altar dedicáu a Jesús Crucificáu.[4] Dende pequeña gustába-y participar n'obres de teatru y en bailles folklóricos locales, pero solamente pudo cursar hasta'l 5º grau de primaria pos tenía qu'ayudar a la so madre na venta de frutes y verdures nel mercáu de Palín, Escuintla.[4] Pero a los 17 años retomó la so educación, gracies al Programa Nacional d'Alfabetización de Guatemala —CONALFA— y al momentu de la filmación de Ixcanul, cursaba'l tercer añu básicu en plan fin de selmana.[5] foi escoyida pal papel de María en Ixcanul pol direutor guatemalianu Jayro Bustamante.[5]
En 2013 foi electa reina de Santa María de Jesús y depués la reina de CONALFA del departamentu de Sacatepéquez.[4]
«Buscaba a una moza capaz de faer pasar pola so cara y pola so mirada esa fuercia pasivo... daquién como reteniendo esa erupción de nun dexar ser. De normal, los héroes y heroínes siempres son activos, y Ixcanul significa fuercia nel monte faciendo erupción».
—Jayro Bustamente, al referise a María Mercedes Coroy[4]
Al rematar la filmación y les xires internacionales retornó al so pueblu natal a siguir ayudando a la so proxenitora y a ser voluntaria nes obres sociales con neños desnutridos y vieyos.[5]
.jpg)
