Lucien Laurent (10 d'avientu de 1907, Saint-Maur-des-Fossés – 11 d'abril de 2005, Besançon) foi un futbolista francés, famosu por ser l'autor del primer gol de la historia de la Copa Mundial de Fútbol, el 13 de xunetu de 1930 contra la seleición mexicana.[2]
Biografía
Xugador profesional de la Lliga Francesa de Fútbol, xugó pa diversos equipos como CA París (1921 a 1930 y 1933 a 1934), Sochaux (1930 a 1932 y 1935 a 1936), Club Français (1932 a 1933), Stade Rennais Football Club (1936 a 1937), RC Estrasburgo (1937 a 1939) y Besançon RC (1943 a 1946). Tamién trabayó pa la compañía de #auto Peugeot, inclusive formando parte del equipu de fútbol de la empresa.
Foi integrante de la Seleición de fútbol de Francia na Copa Mundial de Fútbol de 1930, consiguiendo nel Estadiu Pocinos del Club Atlético Peñarol de Montevideo (Uruguái) el primer gol de la historia de los mundiales contra la selección mexicana (nel minutu 19), ganándo'l partíu pol resultáu de 4 a 1 a favor del so país. Esi primer gol de la historia del Campeonatu del Mundu convirtiólu nuna celebridá a Laurent, que nun pudo participar na edición de 1934 por cuenta d'una mancadura.
Según indica Julián García Candau en La moral del Alcoyano (Ed.Planeta, 1997), Lucien Laurent foi l'autor del primer tantu mundialista de Francia y tamién quien recibió'l primer gol mundialista de Francia, pos nel mesmu partíu, Francia-Méxicu, 13 de xunetu de 1930, y por mancadura del porteru Thepot, yera Laurent el que defendía la portería gala cuando Méxicu llogró'l tantu del honor.
Participó col exércitu francés na Segunda Guerra Mundial, onde en 1942 foi fechu prisioneru de guerra polos alemanes y lliberáu trés años dempués. Tres la guerra, xugó otres trés temporaes nel Besançon RC y dempués foi entrenador de dellos equipos amateurs.[3]
Referencies
