Logan Marshall-Green ye un actor d'Estaos Xuníos nacíu'l 1 de payares de 1976, en Charleston, Carolina del Sur.
Biografía
Crióse pola so madre Lowry Marshall, y tien un hermanu ximielgu llamáu Taylor.
Siempres amosó ser una persona bien interesada nuna gran variedá de materies, como lo foi la escritura na Universidá de Tennessee, onde escribió nel periódicu escolar llamáu "The Beacon". Amás, foi un apasionáu de la música y l'actuación, convirtiéndose darréu esta postrera na so carrera profesional.[3]
Carrera
Nel 2001, llogró'l so primer papel pa la serie Band of Brothers, onde interpretó a un alemán prindáu. N'este mesmu xéneru, trabayó pal policial Law & Order: Special Victims Unit, Law & Order y encarnó a Richard Heller en 24.
Nel añu 2005, caracterizó a Trey Atwood nel proyeutu de Wonderland Sound and Vision, The O.C., tuvo'l papel de Tyler Fog na serie d'aventura Traveler xunto a Matt Bomer y Aaron Stanford y foi unu de los protagonistes de Dark Blue, na qu'interpretó a Dean Bendis.
Nel 2004, trabayó nel curtiu de Claudia Myers, tituláu The Kindness of Strangers. Un añu más tarde debutó na pantalla grande xunto a Tom Cavanagh y Sarah Chalke en Alchemy.
Tuvo coles mesmes el papel del teniente Paul Colvin en The Great Raid, ya integró los elencos de Across the Universe y de Brooklyn's Finest, película protagonizada por Richard Gere.
Nel añu 2008 participó nel telefilme Blue Blood, dirixíu por Brett Ratner.
En 2010 actúo na película Devil un thriller sobrenatural dirixida por John Erick Dowdle, onde interpreta a un mecánicu que ye culpable del asesinatu d'una muyer y el so fíu.
Filmografía
Referencies
Enllaces esternos
_(cropped).jpg)
