El Romanticismu ye un movimientu revolucionariu en tolos ámbitos vitales que, nes artes, ruempe colos esquemes establecíos nel Neoclasicismu, defendiendo la fantasía, la imaxinación y les fuercies irracionales del espíritu. El Neoclasicismu entá perdura en dellos autores, pero munchos, que s'empecipiaron na postura neoclasicista, convirtiéronse ávidamente al Romanticismu, como'l Duque de Rivas o José de Espronceda. Otros, sicasí, fueron dende los sos entamos románticos convencíos.
Carauterístiques del Romanticismu
Refugu al Neoclasicismu. Frente al escrupulosu rigor y orde con que, nel sieglu XVIII, reparáronse les regles, los escritores románticos combinen los xéneros y versos de distintes midíes, dacuando entemeciendo'l versu y la prosa; nel teatru despréciase la regla de les trés unidaes (llugar, espaciu y tiempu) y alternen lo risible colo dramático.
Suxetivismu. Sía como quier el xéneru de la obra, l'alma aponderada del autor arrama nella tolos sos sentimientos d'insatisfaición énte un mundu que llinda y frena el vuelu de les sos enganíes tanto nel amor, como na sociedá, el patriotismu, etc. Faen que la naturaleza fúndase col so estáu d'ánimu y que s'amuese murnia, tétrica, misteriosa, escura... a diferencia de los neoclásicos, qu'apenes amosaben interés pol paisaxe. Los pruyimientos d'amor apasionao, enganía de felicidá y posesión de lo infinito causen nel románticu una aprovecedura, una inmensa decepción que n'ocasiones -yos lleva al suicidiu, como ye'l casu de Mariano José de Larra.
Atraición polo nocherniego y misterioso. Los románticos asitien los sos sentimientos dolientes y defraudaos en llugares misteriosos o murnios, como ruines, montes, campusantos... De la mesma manera que sienten atraición escontra lo sobrenatural, aquello qu'escapa a cualesquier lóxica, como los milagros, apaiciones, visiones d'ultratumba, lo diabólico y de bruxes ...
Fuga del mundu que los arrodia. El refugu de la sociedá burguesa na que los tocó vivir, lleva al románticu a safase de les sos circunstancies, imaxinando dómines pasaes nes que los sos ideales prevalecíen sobro los demás o inspirándose no exótico. Frente a los neoclásicos, qu'almiraben l'antigüedá grecollatina, los románticos prefieren la Edá Media y el Renacimientu. Como xéneros más frecuentes, cultiven la novela, la lleenda y el drama históricu.
Bibliografía
Historia de la Literatura Española. El Romanticismo, Juan Luis Alborg, Madrid, Gredos, 1980.
Historia de la Literatura Española. El Siglo XIX (I), Víctor García de la Concha, Madrid, Espasa Calpe, 1998.
La Imaginación romántica, C. M. Bowra, Taurus, Madrid, 1972.
Las Románticas, Susan Kirkpatrick, Castalia, Madrid, 1991.
El alma romántica y el sueño, A. Béguin, Fonde de Cultura Económica, Madrid, 1993.
El Romanticismo, Gras Balaguer, Montesinos, Barcelona, 1988.
El romanticismo español, Vicente Llorens, Madrid, Fundación Juan March, Castalia, 1983.
El romanticismo español, Ricardo Navas Ruiz, Madrid, Cátedra, 1990.
Historia del movimiento romántico en España, E. Allison Peers, Gredos, Madrid, 1954, 2 vols.
"The internalization o Quest-Romance", en Romanticism and Consciousness, H. Bloom, Nueva York, Norton, 1970.
La teoría literaria: Romanticismo, krausismo y modernismo ante la globalización industrial, Thomas Ward, University, Mississippi: Romance Monographs, 2004.
El Romanticismo: tradición y revolución, M. H. Abrams, Visor, Madrid, 1992.
Los orígenes del romanticismo reaccionario español: el matrimonio Böhl de Faber, G. Carnero, Universidad de Valencia, 1978.
Los orígenes del Romanticismo, F. Garrido Pallardó, Barcelona, Labor, 1968.
Entre pueblo y corona. Larra, Espronceda y la novela histórica del Romanticismo, G. Güntert y J.L. Varela, Madrid, UCM, 1986.
La época del Romanticismo (1808-1874), H. Juretschke, Madrid, Espasa-Calpe, 1989.
Trayeutoria del romanticismo español Madrid, P. Sebold, Madrid, Crítica, 1983.
De ilustrados y románticos, P. Sebold, Madrid, El Museo Universal, 1952.
Poesía española del siglo XIX, J. Urrutia, Madrid, Cátedra, 1985.
José de Espronceda y su tiempo. Literatura, sociedad y política en tiempos del romanticismo, R. Marrast, Barcelona, Crítica, 1989 (1ª edición, 1974).
