El Llibru d'hores de Leonor de la Vega ye un códiz con [miniaturas allumaes realizáu en pergamín pol artista flamencu Willem Vrelant nel sieglu XV. Atópase calteníu na Biblioteca Nacional d'España (Vitr.24-2).
Historia
L'autor Willem Vrelant nacíu en 1410 en Ultrech y fináu en Bruxes en 1481, foi alumnu de Jan van Eyck y tuvo activu en Flandes onde tuvo de realizar el llibru d'hores supuestamentte ente 1465 y 1470.[2]
El manuscritu foi unviáu l'añu 1498 como regalu pol embaxador d'España en Flandes Diego Ramírez de Villaescusa al embaxador de Roma padre del poeta Garcilaso de la Vega. La heredera del códiz foi la hermana del poeta Leonor de la Vega, de quien tomó'l nome'l llibru de les hores.[3]
Descripción
El manuscritu presenta una encuadernación con piel de cabra, y ta realizáu sobre pergamín con folios (202) del tamañu de 19 x 13 cm. y un total de 404 páxines. Inclúyese un calendariu ensin ilustraciones que compensa col restu de les numberoses ilustraciones que pueden apreciase nos distintos capítulos de les Hores de la Virxe, Hores de la Cruz, Hores del Espíritu Santu con miniatures a páxina completa o bien orles llenes de vexetales, bisarmes o escenes satíriques, aplicando l'oru en munches d'elles según nes lletres capitulares.[4][5]
Europeana 280
N'abril de 2016, el códiz «Llibru d'hores de Leonor de la Vega» foi escoyida como una de los quince obres artístiques más importantes d'España pol proyeutu Europeana.[6][7]
Referencies
Bibliografía
- Durrieu, P. (1893). Manuscrits d'Espagne remarquables par leur peintures et par la beauté de leur exécution. nº 24 (París) (en francés).
Enllaces esternos
