PROFILBARU.COM

Lemuroidea;
Estáu de caltenimientu
	Apéndice I de la CITES
Clasificación científica
Reinu:	Animalia
Filu:	Chordata
Clas:	Mammalia
Orde:	Primates
Suborde:	Strepsirrhini
Infraorde:	Lemuriformes ; (ver testu)
Superfamilia:	Lemuroidea; Gray 1821
Diversidá
	Alredor de 100 especies (esistentes)
Distribución
	; Los lémures son endémicos de Madagascar (en colloráu)
Families
	†Archaeolemuridae; Cheirogaleidae; Daubentoniidae; Indriidae; Lemuridae; Lepilemuridae; †Megaladapidae; †Palaeopropithecidae
Consultes
	[editar datos en Wikidata]

Los lémures son unos primates estrepsirrinos endémicos de la isla de Madagascar. Reciben el so nome polos lémur, pantasmes o espíritus de la mitoloxía romana, por cuenta de les estrueldoses vocalizaciones qu'emiten, los sos güeyos brillosos y los vezos nocherniegos de delles de les sos especies. Anque de cutiu confundense con primates acentrales, los primates antropoides (monos, simios y humanos) nun evolucionaron de los lémures, anque comparten traces morfolóxiques y de comportamientu con primates basales.

Con un pesu que va dende los trenta gramos hasta los nueve quilogramos nes especies actuales, los lémures comparten munchos de les traces básiques de los primates, como manes y pies con cinco deos y pulgar oponible, y uñes en llugar de garres (na mayoría de les especies). Sicasí, la so proporción cerebru-masa corporal ye menor que nos primates antropoides, y, al igual que los demás primates estrepsirrinos, tienen la ñariz húmeda» (rinario). Los lémures son xeneralmente los estrepsirrinos más sociales y comuníquense más con golores y vocalizaciones que con señales visuales. Tienen un metabolismu basal relativamente baxu, munchos reprodúcense estacionalmente, tienen periodos de dormancia (como envernía o letargo), y dalgunos amuesen un dominiu social de les femes. La mayoría aliméntase con una amplia variedá de frutes y fueyes, ente qu'otros son especialistes. Anque munches comparten dietes similares, especies distintes comparten los mesmos montes al traviés d'un procesu de diferenciación de nichu.

La investigación sobro estos primates centrose na so taxonomía y na recoyida de especímenes mientres los sieglos XVIII y XIX. Anque les observaciones apurríes polos primeros investigadores de campu fueron abondosos, los estudios modernos sobro la ecoloxía y comportamientu d'estos animales nun se desenvolvieron hasta los años 1950 y 1960. Énte les dificultaes surdíes pola inestabilidá política y el tracamundiu reinante en Madagascar a mediaos de los años 1970, los trabayos de campu detuviéronse, pero volvieron a entamar nos años 1980 y supunxeron una gran meyora na conocencia d'estos primates. Instalaciones d'investigación como'l Duke Lemur Center de la Universidá Duke apurrieron la oportunidá d'avanzar nel so estudiu nun ambiente controláu. Los lémures son importantes pa la investigación porque'l so amiestu de carauterístiques primitives y traces compartíes colos primates antropoides pue refundiar una mayor conocencia sobro la evolución de los primates y de los humanos. Sicasí, munches especies de lémur tán en peligru d'estinción por cuenta de la perda del so hábitat y a la caza. Anque polo xeneral les tradiciones locales ayuden a protexer a los lémures y los sos montes, balta forestal illegal, la xeneralización de la probeza y l'inestabilidá política enzanquen y menosprecien los esfuercios pol caltenimientu d'estos primates. Por cuenta de estes amenaces y al amenorgamientu constante de les sos poblaciones, la Unión Internacional pal Caltenimientu de la Naturaleza (UICN) considera que los lémures son los mamíferu en mayor peligru d'estinción, considerando que —hasta'l 2013— más del 90 % de les especies de lémures tán amenaciaes.