La Playa l'Arbeyal ye la sablera más occidental de les del conceyu de Xixón (Asturies). Ye la tercera n'importancia de la ciudá, llendando colos populares barrios de La Calzada y d'El Nataoyo, y siendo mui popular. Trátase d'una zona que socialmente mui activa, y que tamién lo ye urbanísticamente, faciendo crecer a Xixón cada añu más contra l'oeste.
Historia
Hasta finales del sieglu XIX la finca y l'arenal de L'Arbeyal abarcaba dende La Punta l'Otero (güei n'El Muelle la Osa) hasta El Monte Coroña. Foi l'aprovechamientu del so sable y otros materiales na construcción del puertu d'El Musel, xunto a les vertedures d'industries como la «Fábrica de Sombreros», «L'Algodonera» y los «Astilleros de G.Riera», lo que terminó por degradar dafechu la vieya playa. De fechu, na segunda metá del sieglu XX desaguaben los colectores de los barrios de La Calzada y Xove, siendo conocida entóncenes como La Playa la Casera, n'alusión a la fábrica de «La Casera» allugada ellí.
Finalmente, el conceyu de Xixón decide recuperar la metá occidental del arenal históricu en 1994.[1]
Carauterístiques
- Forma de concha
- Llargura de 100 m
- Augua sele
- Arena fino y roxo
- Arenal cola mar enllena: 22.800 m²
- Arenal en baxamar: 106.000 m²
Equipamientos
- Aparcamientu
- Salvamentu
- Zona de xuegos infantiles
- Duches
- Baños
Accesos
- Avenida Príncipe d'Asturies
- Llinies d'autobuses nᵘ 1, 4, 6, 21 y 36 de les llinies diurnas, amás de les nocherniegues 34 y Bhúo 1
Referencies
