| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Jorge Suárez Carbajal}} ~~~~ |
Jorge Suárez Carbajal (13 de marzu de 1986, Uviéu) ye un gaiteru asturianu, campeón d'Asturies nel 2004 y representante del Principáu nel Troféu MacCrimmon (enantes Troféu Macallan) (Festival Intercélticu de Lorient) cuatro años siguíos.
Nel añu 2011 algama' l Premiu AMAS como Meyor Gaiteru, pola so trayeutoria, gallardón que concede l' Anuariu de la Música n' Asturies. Asina mesmo nel 2012 el Centru Asturianu de Madrid atorga-y l' Urogallo de Bronce na estaya de Gaita, pola so carrera como gaiteru.
Trayeutoria
Iniciu
Naz n'Uviéu en 1986 y dende febreru de 1987 vive n' El Berrón (Siero). Escomencipió a tocar la gaita en 1994, nes escueles de Suares (Bimenes), pueblu de so ma, col mayestru Eugenio Otero, actual direutor de la Banda Gaites Conceyu Siero y ex-direutor de la Banda Gaites Llariegu, dos vegaes Campeona d'Asturies. Llega a ensayar cola Banda Gaites Llariegu, anque nun realiza nenguna actuación con ella. N'abril de 1996 empieza a recibir clases de Chus Solís, y en 1997 entra na Banda Gaites Noreña, cola que debuta'l 26 de xunetu nel Festival Folclórico de Molinos de Duero (Soria). Cola Banda percuerre gran parte de la xeografía asturiana y otres zones d'España - Benidorm, Soria, Cantabria, etc. - y Portugal (Monção, Côja o Lisboa).
En 1999 preséntase al concursu infantil "Veo-Veo", presentáu por Teresa Rabal. Pasa les pruebes de casting y llega a les semifinales, nel Teatru Campoamor d' Uviéu, onde toca la Muñeira de Remis, anque nun llogra pasar a la final rexonal. Nesta dómina entama a tocar pa grupos folclóricos como'l G.F. de Colunga o'l G.F. Brisas de Aguilar (Muros). Al añu siguiente dexa de dir a clases con Chus Solís y causa baxa como miembru de la Banda Gaites de Noreña. Preséntase de nuevu al "Veo-Veo" col "Busindre Reel" d'Hevia, llogrando'l primer premiu ex aequo na final rexonal xunto col grupu de ximnasia rítmica Olimpia, de Xixón.
Bandes de Gaites y grupos de baille
En marzu de 2000 apenza a recibir clases de Xuacu Amieva. Poco enantes entrara a formar parte de la Banda Gaites Rei Aurelio, que dirixía y entá dirixe Xuan Rodríguez, gaiteru de Llan de Cubel. Llegó tamién a tocar cola Banda Gaites Naranco, dirixida por Xuacu, na Feria de L'Ascensión, n'Uviéu, nel 2003. Dexa les clases en mayu de 2003 por mor de los estudios de Bachilleratu.
Asina mesmo ye Inxenieru Téunicu Topógrafu pela Universidá d'Uviéu.
Xunto col so hermanu Carlos son pareya habitual de los grupos folklóricos:
-Asociación Folklórica "Onís" Archiváu 2011-02-01 en Wayback Machine, del conceyu d'Onís.
-Grupo Folklórico Xagardúa, de Colunga.
-Asociación Folclórica San Felix Archiváu 2011-03-26 en Wayback Machine, de Valdesoto (Siero).
-Asociación d'Etnografía y Folklore L'Esperteyu, de L'Entregu.
-Brisas de Aguilar, de Muros.
Otros grupos nel so haber foron:
-Peña'l Vientu, de Casu
-Aires de Asturias, de Xixón
-El Arándano, de Rengos (Cangas del Narcea)
-El Horreo, de Barcia (Valdés)
Anguaño ye miembru de la Banda Gaites Conceyu Siero, dirixía por Eugenio Otero Vega.
Concursos de gaita
En los que a concursos de gaita se refier Jorge aníciase nellos nel I Concursu de Gaiteros Mozos de Bimenes celebráu en Xenra, Bimenes, el 1 de xunetu de 2000, na Fiesta de la Oficialidá. Jorge llogra'l segundu puestu tocando la "Xota'l Centru" y el "Floréu de Remis".
Al añu siguiente (2001) remata sestu na final del Memorial Remis Ovalle. Dos años dempués llogra clasificase' n cuarta posición n' esti Memorial, lo que-y da drechu a participar nel Troféu Macallan de Gaita nel Festival Intercélticu de Lorient, finando nel tercer puestu. Al añu siguiente torna' l Remis Ovalle, competición na que s'alza col primer puestu'l 18 de xunu de 2004. Esi añu en Lorient (yá col nome de Troféu MacCrimmon) remata cuartu lo mesmo que nel 2005, puestu que iguala nel Remis Ovalle d' esi añu ya' l siguiente.
En 2006 clasifícase en segunda posición nel Troféu MacCrimmon del Festival Intercélticu de Lorient, namái superáu pol asturianu Rubén Alba y siendo'l primer clasificáu nel repertoriu bretón (repertoriu obligáu dende'l 2003). Tolos participantes del concursu (cuatro asturianos, cuatro gallegos y n'ocasiones un gaiteru bretón) tienen d'interpretar tres repertorios: asturianu, gallegu y bretón.
Jorge preséntase tamién a concursos pa pareyes de gaita y tambor col so hermanu Carlos al tambor.
| Como gaiteru solista |
| Concursu |
Añu |
Puestu |
| I Concursu de Gaiteros Mozos de Bimenes |
2000 |
2ᵘ |
| I Concursu de Xóvenes Gaiteros d' El
Carbayu |
2000 |
3ᵘ |
| XV Memorial Remis Ovalle (Uviéu) |
2001 |
6ᵘ |
| I Concursu de Gaita de Lantero (Samartín
del Rei Aurelio) |
2001 |
4ᵘ |
| I Concursu Gaiteru Lliberdón |
2001 |
1ᵘ |
| II Concursu de Xóvenes Gaiteros d' El
Carbayu |
2001 |
3ᵘ |
| II Concursu Gaiteru Lliberdón |
2002 |
1ᵘ |
| III Concursu de Xóvenes Gaiteros d' El
Carbayu |
2002 |
1ᵘ |
| XVII Memorial Remis Ovalle (Uviéu) |
2003 |
4ᵘ |
| IV Concursu de Gaiteros Mozos de Bimenes |
2003 |
3ᵘ |
| XVIII Troféu Macallan de Gaita (Lorient) |
2003 |
3ᵘ |
| II Concursu de Gaita de La Nueva (Llangréu) |
2004 |
2ᵘ |
| II Concursu de Gaita de Mieres |
2004 |
2ᵘ |
| XII Concursu y Muestra de Folclor
"Ciudá d' Uviéu" |
2004 |
4ᵘ |
| XVIII Memorial Remis Ovalle (Uviéu) |
2004 |
1ᵘ |
| XIX Troféu MacCrimmon de Gaita (Lorient) |
2004 |
4ᵘ |
| I Concursu de Gaita de Llaviana |
2004 |
5ᵘ |
| XIII Concursu y Muestra de Folclor
"Ciudá d' Uviéu" |
2005 |
5ᵘ |
| XIX Memorial Remis Ovalle (Uviéu) |
2005 |
4ᵘ |
| XX Troféu MacCrimmon de Gaita (Lorient) |
2005 |
4ᵘ |
| XX Memorial Remis Ovalle (Uviéu) |
2006 |
4ᵘ |
| XXI Troféu MacCrimmon de Gaita (Lorient) |
2006 |
2ᵘ |
| XXI Memorial Remis Ovalle (Uviéu) |
2007 |
5ᵘ |
| XXII Memorial Remis Ovalle (Uviéu) |
2008 |
5ᵘ |
| VII Concurso de Gaita de Xixón |
2009 |
3ᵘ |
| VIII Concurso de Gaita de Xixón |
2010 |
1ᵘ |
| VIII Concursu de Gaita de La Nueva (Llangréu) |
2011 |
2ᵘ |
| XI Concursu de Gaita "Premiu Gaiteru Lliberdón" |
2011 |
1ᵘ |
| IX Concurso de Gaita de Xixón |
2011 |
1ᵘ |
| XII Concursu de Gaita "Premiu Gaiteru Lliberdón" |
2012 |
1ᵘ |
| X Concurso de Gaita de Xixón |
2012 |
1ᵘ |
| XXI Concursu y Muestra de Folclor
"Ciudá d' Uviéu" |
2013 |
4ᵘ |
| En pareya de gaita y tambor (xunto con Carlos Suárez Carbajal de tamborileru) |
| Concursu |
Añu |
Puestu |
| I Troféu Hermanos Cueli (Vidiago) |
2007 |
4ᵘ |
| VI Concurso de Gaita de Xixón |
2008 |
3ᵘ |
| II Troféu Hermanos Cueli (Vidiago) |
2008 |
1ᵘ |
| VII Concurso de Gaita de Xixón |
2009 |
3ᵘ |
| III Troféu Hermanos Cueli (Vidiago) |
2009 |
1ᵘ |
| VIII Concurso de Gaita de Xixón |
2010 |
1ᵘ |
| IX Concurso de Gaita de Xixón |
2011 |
2ᵘ |
| X Concurso de Gaita de Xixón |
2012 |
1ᵘ |
Actuaciones
Faciendo clic nesti enllaz puen güeyase tolos llugares nos qu'actuó'l gaiteru asturianu.
Otros premios
| Añu |
Premiu |
Categoría |
Resultáu
|
| 2000 |
Veo-Veo Oviedo |
- |
Ganador ex aequo
|
| 2011 |
Premios AMAS 2011 |
Gaita |
Ganador
|
| 2012 |
Urogallo de Bronce |
Gaita |
Ganador
|
Referencies
Enllaces esternos
