Nació nuna familia de músicos y artistes, teniendo formación musical dende bien mozu. Estudió nueve años nel Conservatoriu de París y convirtióse nun espertu clarinetista, tocaba tamién el saxofón y l'acordión y yera diplomáu en maxisteriu. Entamó la so trayeutoria artística en Francia, onde formó parte de grupos de pop. Llegó en 1965 a España para representar al so país nel VI Festival del Cantar Mediterraneu, col cantar Tout ce que tu sais.[9] Quedóse a vivir n'España y especializóse nel denomináu cantar del branu, de la que foi unu de los sos principales representantes, iconu popular del cantar llixeru.[10]
El so primer ésitu llegó en 1969 col cantar "El casatschok",[11] y algamó una gran popularidá nes décades 1970 y 1980 con cantares d'estribillos apegadizos y bailladeros y lletres dacuando cachondes, como "El Bimbó", "Macumba", "Carnaval, carnaval", "El africano", "El chiringuito", "La barbacoa", "El Koumbo", "La paloma blanca", "Cuando suena el acordeón", "Coctel tropical", "El dinosaurio", "Mi cafetal", "La cerveza", "El negro no puede" y otres.[12]
Los primeros videoclips musicales que s'emitieron en RTVE fueron de cantares d'él.[13] El so cantar de 2007 "Mecagüentó" paez ser una parodia de la temática braniega que-y dio tantos ésitos, yá que cuenta de la hestoria d'un pa que se va de vacaciones y tou sále-y mal.[14]
Vida privada
Nos los últimos años de la so vida vivió en Madrid. En 1974 casó con Emilia García Emy, una de les sos baillarines, con quien tuvo trés fíos, nacíos en Madrid. Dos de los sos fíos, Patricia y Paúl, formaron el dúu Calle París.[15]
↑Afirmao en: Discogs. Identificador Discogs d'artista: 517871. Apaez como: Georgie Dann. Data de consulta: 9 ochobre 2017. Llingua de la obra o nome: inglés.
