Gaius Julius Caesar Vipsanianus; 20 e.C. - 4). Conocíu comúnmente como Gaius Caesar, yera'l fíu mayor de Marcu Vipsanio Agripa y de Xulia la Mayor. Gaius foi adoptáu xunto col so hermanu Luciu Xuliu César, cuando Agripa morrió en 12 e.C., pol so güelu maternu l'emperador romanu César Augustu, que nomó a los dos rapazos los sos herederos. Dambos fueron unxíos como cónsules y declaróse-yos como los príncipes de la mocedá” (principes iuventutis), con templos y estatues alzaes nel so honor, como nel casu de la Maison Carrée en Nimes o'l Teatru romanu de Cartagena. Nel 1 e.C. fixéron-y comandante del exércitu y col Emperador César Augustu dio-y el poder a Ariobarzanes sobre los armenios y ufiertó una islla nel Éufrates. Sicasí, Lucio morrió nel añu 2 y Gaius morrió dos años más tarde en Licia a la edá de 24 años, dempués de ser mancáu mientres una campaña n'Artagira, Armenia. Nel añu 1 e.C., casó con Livila, fía de Drusu'l Mayor y Antonia. Esta unión nun tuvo nengún fíu.
Referencies
↑ 1,01,1Afirmao en: autoridaes BNF. Identificador BnF: 120330076. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
