Félix Alonso Cantorné (8 d'agostu de 1959, Barcelona) ye un políticu catalán, alcalde d'Altafulla y diputáu nel Congresu na XI llexislatura.
Biografía
Ye llicenciáu en Xeografía y Historia polaUniversidá de Barcelona. En 1976 empezó a trabayar en Cataluña Express y dende 1981 trabaya nel diariu Sport.
El mesmu 1981 ingresó na Asociación de Vecinos del Baix Guinardó, onde participó na campaña a favor del Parque de las Aguas ya implícase nel activismu vecinal, aportando a voceru de la coordinadora de paraos del distritu de Horta-Guinardó. Coles mesmes empezó a militar nel Partíu de los Comunistes de Cataluña y en Comisiones Obreres de Cataluña, participando na fundación del Sindicatu de Periodistes de Cataluña. Forma parte del comité d'empresa del diariu Sport ya implícase nos conflictos llaborales de los distintos diarios.
En 1999 treslládase a vivir a Altafulla, onde entama la seición local d'Izquierda Xunida. Nes eleiciones municipales españoles de 2003 preséntase como cabeza d'Alternativa Baix Gaià, y apuerta la segunda fuercia más votada. Mientres la presidencia de la Xeneralidá de Pasqual Maragall foi miembru del conseyu asesor de la Corporación Catalana de Radio Televisió de Catalunya y en 2006 direutor xeneral de Rellaciones Institucionales. Nes eleiciones municipales españoles de 2007 preséntase por Alternativa Altafulla, y nes eleiciones municipales españoles de 2011 ye escoyíu alcalde de Altafulla.[1]
Mientres el so mandatu foi miembru del Conseyu Comarcal del Tarragonés, miembru de la direición de l'Asociación de Conceyos pola Independencia y opúnxose públicamente al proyeutu BCN World.[2]
Nes eleiciones municipales españoles de 2015 foi reelixíu alcalde de Altafulla. Simultáneamente, nes eleiciones xenerales de 2015 y 2016 foi escoyíu diputáu pola provincia de Tarragona dientro de les llistes d'En Comú Podem-Guanyem el Canvi.[3][4][5]
Referencies
.jpg)
.svg){kind=small}
