Fíu del maestru Manuel Mediante, Federico acompañaba nel so barcu al so güelu maternu nos viaxes ente Ribadeo y Xixón.[2] Emigró a Arxentina con 14 años d'edá. Tuvo dellos trabayos ellí. En 1907 tornó a España y ufiertóse como voluntariu nel Reximientu d'Infantería Príncipe, col que participó na Guerra de Melilla, onde foi fechu prisioneru. Una vegada lliberáu tornó a la so tierra natal.
Trabayó como actor de teatru ya enrolóse nun circu col que visitó Mercedes. Ellí conoció a Horentina Acosta Waytorn con quien casó. Tornó a España, instalándose en Madrid. Ellí trabayó como intérprete pal cine mudu.[3]
Anarquista, col golpe d'Estáu del 18 de xunetu de 1936 abellugóse en Ribadeo onde'l so hermanu José rexentaba el Café-Bar Mediante. Al rematar la guerra, gracies a la carta d'encamientu del director de Las Riberas del Eo, pudo tornar a Madrid cola so esposa.[4] En Ribadeo escribió Versos de Ausencia e A orillas del Pilcomayo, la so primer obra d'aventures, xéneru que lu fairía famosu.
Foi autor de más de cien noveles populares,[5] usando diferentes pseudónimos, H. A. Waytorn (que son les iniciales de la so muyer) y otros como Fred Baxter, Norman Lincoln, Walter Brown, Hendrix Keyne, Spencer Scott, J. Medhel, Bill O'Hara, Boris King, King Drake ou Warner Williams.[4]
Reconocencies
En 2023 espublicóse Federico Mediante, el Salgari español, d'Ana Rosa Martínez Loredo, nieta d'él.[2]