El Conseyu Européu ye una institución de la Xunión Europea. Ta formáu polos xefes d'Estáu o de Gobiernu de los Estaos miembros y ye'l máximu órganu decisoriu de la Xunión.
El Conseyu funciona por unanimidá y tolos Estaos tienen el mesmu pesu, ye dicir, un Estáu, un votu, seya Alemaña o un país pequeñu como Luxemburgu.
Aconcéyase cuatro veces al añu p'analizar les grandes cuestiones de la Xunión y da-y los puxos necesarios, asina como definir les sos prioridaes y orientar les sos polítiques xenerales. Asina, deciden si va entrar un país na XE, si ye precisu reformar o non dalgún tratáu, les propuestes de nomamientu de cargos pa les instituciones comunitaries o les polítiques de defensa comunes.
El Conseyu Européu ta presidíu, dende la entrada en vigor del Tratáu de Lisboa, por un presidente permanente que ye elixíu pol propiu Conseyu. El primer ministru belxicanu Herman Van Rompuy foi designáu como primer Presidente permanente del Conseyu Européu'l 19 de payares de 2009, entamando les sos funciones l'ún d'avientu de 2010.
Nun s'ha confundir esta institución col Conseyu d'Europa, que ye otra organización internacional que nun depende de la XE y que guarda pola democracia y los derechos humanos.
Referencies
Enllaces esternos
.jpg)
