Christine White (4 de mayu de 1926, Washington DC – 14 d'abril de 2013, Washington DC)[2] foi una actriz d'Estaos Xuníos, conocida principalmente pol so papel nel episodiu "Nightmare at 20,000 Feet" de la serie televisiva The Twilight Zone.[3]
Biografía
El so nome completu yera Christine Lamson White, y nació en Washington D. C., siendo los sos padres Lucia W. y James Andrew White.[2] Estudiando na Universidá de Carolina del Norte en Chapel Hill, ella empecipióse na actuación participando en diverses obres teatrales, llegando a consiguir una maestría en llocución y drama concedíu pola Universidá Católica d'América.[3]
Nos años 1950 dexó la so casa en Nueva York y camudóse a Los Angeles,[2] onde empezó a actuar en programes televisivos. El so primer papel llegó en 1952 cola serie The Web.[4]
A lo llargo de los sos 20 años de trayeutoria,[3] ella participó en más de 50 producciones, ente elles Bonanza, Have Gun Will Travel, Perry Mason, The Rifleman, The Loretta Young Show, Los Intocables y Pá saber tou.[4] La so última actuación tuvo llugar n'en 1976 nel telefilme James Dean.[4]
Sicasí, el so papel más famosu foi'l que fizo xunto a William Shatner nel episodiu de The Twilight Zone Nightmare at 20,000 Feet, el de la esposa de "Bob Wilson" (Shatner), "Julia Wilson".[5]
Christine White finó nel añu 2013 nuna residencia de persones mayores en Washington D. C.[2] Los sos restos fueron incineraos.
Referencies
- ↑ 1,0 1,1 Afirmao en: Internet Movie Database. Identificador IMDb: nm0924614. Data de consulta: 10 xineru 2016. Llingua de la obra o nome: inglés.
- ↑ 2,0 2,1 2,2 2,3 «Christine L. White». Carroll County Times (11 de mayu de 2013). Consultáu'l 20 de xunu de 2013.
- ↑ 3,0 3,1 3,2 Randee Dawn (19 de mayu de 2013). «Christine White, seatmate to William Shatner in iconic 'Twilight Zone' dies at 86». Today.com. Consultáu'l 20 de xunu de 2013.
- ↑ 4,0 4,1 4,2 «Christine White». IMDb. Consultáu'l 20 de xunu de 2013.
- ↑ Staff (20 de mayu de 2013). «Twilight Zone actress Christine White dies at 86». The Daily Mail. Consultáu'l 20 de xunu de 2013.
Enllaces esternos
