PROFILBARU.COM

Chechu Álava
Vida
Nacimientu	Piedrasblancas, 5 d'avientu de 1973 (51 años)
Nacionalidá	España
Estudios
Estudios	Universidá de Salamanca
Llingües falaes	castellanu
Oficiu	pintora
Premios	ver Premio de Pintura de la Junta General del Principado de Asturias (2008) ;

Chechu Álava (5 d'avientu de 1973, Piedrasblancas) ye una artista española, eminentemente pintora, residente en París. Tien una gran proyeición internacional y foi incluyida na publicación “100 painters of tomorrow”, de la editorial Thames & Hudson.^[3]

Llicencióse en Belles Artes pola Universidá de Salamanca, na promoción de 1991-1995.^[4]^[5]

Tres la so llicenciatura realizó múltiples esposiciones, tantu en solitariu (como "Pintures y dibuxos" en 1995 na Casa Municipal de Cultura d'Avilés; “La vida curtia” nel 2004 n'Espaciu Líquidu Gallery, de Xixón; o “Souvenir”, en Nueveochenta Gallery de Bogotá, Colombia y “Sisters”, n'Utopía Parkway Gallery de Madrid, dambes nel 2013), como conxuntes con otros artistes, como la so presencia en distintes ediciones d'ARCU International Art Fair, n'Espaciu Líquidu Gallery, de Madrid (ente elles en 2014); “100 painters of tomorrow” en Beers Contemporary Gallery de Londres (2014); o JOBURG Art Fair na Smac Gallery de Johannesburg, Sudáfrica (2013).^[5]^[6]

La Muestra d'Artes Plástiques d'Asturies dexó-y dase a conocer y ganó nel añu 2008 el premiu de pintura de la Xunta Xeneral del Principáu d'Asturies. La so obra forma parte de museos nacionales como'l Muséu de Belles Artes d'Asturies, el Muséu del Ministeriu de Cultura, la Xunta Xeneral del Principáu d'Asturies, como de coleiciones privaes n'Holanda, Austria, Méxicu, Alemaña, Portugal, Estaos Xuníos, Francia y España.^[7]

La so pintura ye de base figurativa, cola muyer como protagonista, pero con gran carga onírica, qu'amuesa la pintura como una incansable busca de respuestes. Nes sos obres puede vese una cierta evolución dende una obra más espresionistes (típica del añu 2006) o una vuelta a los maestros del pasáu (que se dexa ver con claridá nel añu 2007). Los cuadros d'esti momentu son más ellaboraos, con delicaes veladuras, de paleta escurecida, frente a la ocasional gestualidad de les anteriores obres. Les temes son atemporales magar tar llenos d'impresiones personales, vivencies o alcordances.^[8]^[9]

Nes sos semeyes de muyeres puede sentise la densidá de la nebulosa qu'avera al espectador al aura de los retrataos, munchos d'ellos reconocibles pa munchos. Son obres llenes de paz y tranquilidá, llenes la suxetividá de l'artista.^[3]