Carlos Souto

Carlos Souto
Vida
Nacimientu	Uviéu, 4 de payares de 1976[1] (48 años)
Nacionalidá	España
Estudios
Llingües falaes	castellanu
Oficiu
Oficiu	xugador de rugbi union
Trayeutoria   Equipu 1998–2010 seleición masculina de rugbi d'España
Posición o especialidá	flanker

Carlos Souto Vidal , (4 de payares de 1976, Uviéu) ye un xugador de rugbi asturianu. Él empezó a xugar nel Pilier Rugby Club de Grau, tres esto pasó a xugar nel Uviéu Rugby Club, equipu nel que militaba cuando debutó cola seleición española de rugbi. Retiróse xugando col Club de Rugby El Salvador de Valladolid na División d'Honor del rugby español. Xugaba de tercer llinia (dosal 6, 7 o 8), anque de normal xugaba de flanker.

El so hermanu ximielgu Sergio Souto Vidal ye tamién xugador internacional y xuega nel mesmu equipu que Carlos.

Biografía

En formándose, xunto col so hermanu, nes categoríes inferiores del Uviéu, equipu col qu'apostó munchos partíos antes de recalar nel Moraleja Alcobendas Rugby Union (M.A.R.U.) equipu col que xugó la European Challenge Cup antes de la so llegada a Valladolid (tres el fracasu de profesionalización en dichu club d'Alcobendas). Xugó munches temporaes dende entós n'El Salvador siendo davezu unu de los flankers titulares. Destaca que la so carrera tuvo siempres xunida a la del so hermanu, col que compartió equipos y internacionalidades cola seleición española.

Equipos

Club	País	Añu
Pilier Rugby Club	España	1989-1993
Uviéu Rugby Club	España	1993-2001
Club Alcobendas Rugby	España	2001-2003
Club de Rugby El Salvador	España	2003-2008

Seleición nacional

El so debú internacional cola seleición nacional de rugbi d'España, foi'l 2 d'avientu de 1998 contra Portugal.

Tanto él como'l so hermanu son habituales nes concentraciones de la seleición nacional pa los partíos de la European Nations Cup, competición na que anguaño (2008) España atópase encuadrada na División 1 (tamién conocida como Seis Naciones "B")

Palmarés

Club

• 5 lligues, de les cuales 4 col Club de Rugby El Salvador (2004, 2007, 2008 y 2010) y 1 col M.A.R.U. (2002).

• 4 copes del Rei col Club de Rugby El Salvador (2005, 2006, 2007 y 2011).

• 4 Supercopes col Club de Rugby El Salvador (2005, 2006, 2007 y 2008).

Seleición nacional

(Hasta'l 10/03/2007)

• 37 seleiciones cola seleición nacional de rugbi d'España.
• Convocatories per añu: 2 en 1998, 6 en 1999, 3 en 2000, 7 en 2001, 10 en 2002, 6 en 2003, 1 en 2004, 1 en 2006 y 1 en 2007.
• Participó na Copa Mundial de Rugbi de 1999 (3 partíos como titular).

Referencies

1. URL de la referencia: http://en.espn.co.uk/statsguru/rugby/player/13078.html. Apaez como: Carlos Souto Vidal.

Enllaces esternos

• Stadísticas en scrum.com (hai que buscar al xugador pol so apellíu: Souto)
• Ficha de Carlos Souto n'El Salvador

• Datos: Q2939465