Los Basidiomycota o basidiomicetos son una división del reinuFungi qu'inclúi los fungos que producen basidios con basidiospores. Contién a les clásiques setes y fungos con sombreru.
Carauterístiques
Esti filu ye'l más evolucionáu y el más conocíu pos entiende numberosos y variaos tipos de fungos. Cuando son de calter heterotálicu, el miceliu primariu sufre dicariotizacion (somatogamia o espermatización) produciendo hifes dicariótiques que correspuenden al miceliu secundariu. Nos fungos de calter homotálicu una basidiospora produz el miceliu dicarióticu. Hai presencia de quitina nes parés celulares, y apaecen unes estructures llamaes fíbules, bien paecíes a los uncínulos de los ascomicetos.
Reproducción
La reproducción asexual, produzse per aciu espores conocíes como conidios o oidios.
Na reproducción sexual hai plasmogamia (somatogamia y espermatización), esti ye l'entamu nes especies heterotáliques, los gametanxos son esclusivos de les royes (fungos imperfectos). Hai hifes + y -, preséntase la dicariotización por espermatización de los espermacios d'una hifa a otra (monocarióticos). Pa tal somatogamia esiste una complexa compatibilidá, yá seya por bipolaridá, que se da en factores A (A x a), o por tetrapolaridá, que tien llugar en factores A y B (AB x ab), amás de que puede xenerar cuatro tipos d'espores.
Nos basidios hai esterigmes y espícules, un mecanismu d'abstricción sírvelu pa eyeutar les basidiospores, cuando estes tienen simetría billateral formen un ángulu col estroma.
Tipos
Heterobasidiomycetes. Cuando los basidios tán septaos y bien estremaos. Les espores son resistentes por tener una paré bien gruesa. Presenten más d'un tipu de conidiu.
Homobasidiomycetes. Cuando los basidios son más uniformes y non septaos con forma claviforme. Nestos la basidiospora grana formando la hifa. Los órdenes son tremelales, uredinales y ustilaxinales.
Clasificación
Basidiomycota ye una división qu'alluga trés clases:
