Felechu fácilmente identificable, yá que los sos frondes nun tán estremaos y subdividíos en segmentos, como los tán la cuasi totalidá de plantes d'esti tipu. Rizoma allargáu, recubiertu de palees de color castañu. Frondes simples, 4 ó 6 vegaes más llargos qu'anches, llanceolaos, ondulaos y lobulaos na base, d'un verde más intensu pol anversu que pol aviesu. Peciolu y raquis escamosos. Soros grandes en llinies paraleles ente sigo y oblicues a la exa central.[2]
Hábitat
Montes trupos y visiegos.
Usos
En fervinchu, detién la foria y amenorga les inflamaciones intestinales. En gargarismos ye útil escontra les inflamaciones de boca y gargüelu.
El nome científicu del xéneruAsplenium fai referencia al usu terapéuticu que se-yos daba a estes plantes mientres la Edá Media pa curar enfermedaes rellacionaes col bazu (murria, supuestamente, causada por escesu de fiel negro). Asina, Asplenium sería una adautación al llatín del griegu "splen" (bazu).
scolopendrium: epítetu deriváu de les pallabres griegues: σκολοπεντρα, scolopendra = "ciempiés" y el sufixu -Ιος, ius = "asemeyáu".[4]
