L'Asamblea de Madrid ye'l parllamentu autonómicu de la Comunidá de Madrid (España). Representa al pueblu madrilano exerciendo la potestá llexislativa. Aprueba los presupuestos del gobiernu rexonal y controla ya impulsa l'aición política y de Gobiernu.
Sede
Vista del hemiciclu mientres una reunión del plenu en 2009Esterior del edificiu de l'Asamblea de Madrid.
Dende'l 8 de xunu de 1983 hasta la inauguración de la sede actual el 28 de setiembre de 1998, l'Asamblea de Madrid allugó les sesiones parllamentaries nel Caserón de San Bernardo, nel númberu 49 de la cai homónima del centru de la capital.
Anguaño, l'edificiu de l'Asamblea de Madrid, inauguráu en 1998, ta allugáu na plaza de l'Asamblea de Madrid, 1, nel barriu de Palomeras Bajas (distritu Puente de Vallecas, Madrid).
Composición
El muérganu básicu formáu pol conxuntu de los diputaos ye'l Plenu. La convocatoria'l Plenu correspuende al Presidente de l'Asamblea a iniciativa propia o a iniciativa d'un Grupu Parllamentariu, o de la quinta parte de los Diputaos. La convocatoria tien d'efectuase siempre con un orde del día primeramente afitáu pola Presidencia acordies cola Xunta de Voceres.
Adicionalmente, la Xunta de Voceres dexa la organización y direición de la cámara per parte de los grupos parllamentarios.[1]
La cámara tamién funciona con comisiones parllamentaries, pa distribuyir les xeres.[2] La cámara de rixe pola Mesa, muérganu típicamente conformáu pol presidente, los vicepresidentes y los secretarios.[3] La Mesa de la Cámara establez, acordies cola Xunta de Voceres, les normes xenerales sobre fixación del orde del día del Plenu, y sobre l'orde que tendrá de siguise na tramitación d'asuntos sobre los qu'haya de deliberase énte'l mesmu. La Mesa afita'l calendariu de trabayos y de díes hábiles, en virtú del cual, por regla xeneral, la sesión plenaria tien llugar selmanalmente los xueves, cola esceición de la última selmana de cada mes. L'orde del día del Plenu puede ser modificáu.[4]
_coa.svg)
.svg){kind=small}
