PROFILBARU.COM

Alice Brady
Vida
Nacimientu	Nueva York, 2 de payares de 1892
Nacionalidá	Estaos Xuníos
Muerte	Nueva York, 28 d'ochobre de 1939 (46 años)
Sepultura	Cementerio de Sleepy Hollow (es)
Causa de la muerte	cáncanu
Familia
Padre	William A. Brady
Madre	Rose Marie René
Casada con	James Crane
Estudios
Llingües falaes	inglés
Oficiu	actriz de cine, actriz de teatru
Premios	ver Óscar a la meyor actriz de repartu (1938) : In Old Chicago; Estrella del Paséu de la Fama de Hollywood (8 febreru 1960) ;
Nominaciones	ver Óscar a la meyor actriz de repartu ; (7 febreru 1937): My Man Godfrey; Óscar a la meyor actriz de repartu ; (6 febreru 1938): In Old Chicago;
IMDb	nm0103567

Alice Brady (2 de payares de 1892, Nueva York – 28 d'ochobre de 1939, Nueva York) foi una actriz d'Estaos Xuníos ganadora d'un Óscar qu'empezó la so carrera nel cine mudu y sobrevivió a la transición al cine sonoru. Trabayó hasta seis meses antes del so fallecimientu en 1939 por causa de un cáncer. Quiciabes ye más recordada pol so papel de madre de Carole Lombard en My Man Godfrey (Al serviciu de les dames), estrenada en 1936.

Carrera

Brady nació en Nueva York, y el so verdaderu nome yera Mary Rose Brady. Dende la so infancia quixo ser actriz. El so padre, William A. Brady, yera un importante productor teatral, y ella consiguió'l so primer trabayu en Broadway en 1911, a los 18 años d'edá, nun espectáculu nel que participaba'l so padre. Ella siguió actuando en Broadway (de cutiu en funciones producíes pol so padre) a lo llargo de los siguientes 22 años. En 1931 participó nel estrenu de la obra d'Eugene O'Neill Mourning Becomes Electra.

El padre de Brady entró a trabayar na producción cinematográfica en 1913, con World Film Corporation, y ella llueu siguió los sos pasos, debutando nel cine mudu col filme As Ye Sow en 1914. Actuó en 53 filmes a lo llargo de los siguientes diez años, alternando estes actuaciones col teatru, una y bones la industria cinematográfica de la dómina taba centrada en Nueva York.^[5]

En 1923 dexó'l cine pa concentrase nel teatru, y nun volvió a la gran pantalla hasta 1933, cuando se treslladó a Hollywood y rodó el so primer títulu sonoru, When Ladies Meet (De muyer a muyer), de la Metro-Goldwyn-Mayer. A partir d'entós y hasta la so muerte siete años dempués, participó n'otres 25 películes. El so últimu títulu foi Young Mr. Lincoln (Young Mr. Lincoln) (1939).

Brady tuvo casada col actor James Crane ente 1919 y 1922, añu en que se divorciaron. Tivieron un fíu, Donald. Alice Brady finó por causa de un cáncer en 1939, cinco díes antes de cumplir los 47 años.^[5]

Gallardones

Pola so interpretación de Mrs. Molly O'Leary nel filme de 1937 In Old Chicago (Chicago), Brady ganó l'Óscar a la meyor actriz de repartu. L'añu anterior fuera nomada pal mesmu gallardón pol so trabayu en My Man Godfrey (Al serviciu de les dames).

Filmografía escoyida

Ente los sos más de 80 filmes inclúyense:

As Ye Sow (1914)
Betsy Ross (1917)
When Ladies Meet (De muyer a muyer) (1933)
Beauty for Sale (Guapura a la venta) (1933)
The Gay Divorcee (The Gay Divorcee) (1934)
Gold Diggers of 1935 (1935)
Let 'Em Have It (Let 'em Have It) (1935)

Three Smart Girls (Tres diablillo) (1936)
Go West, Young Man (1936)
My Man Godfrey (Al serviciu de les dames/L'aportunada Irene) (1936)
One Hundred Men and a Girl (Lloca pola música) (1937)
In Old Chicago (Chicago) (1937)
Zenobia (1939)
Young Mr. Lincoln (Young Mr. Lincoln) (1939)

La Vie de Bohême, 1916
Miss Petticoats, 1916
Bought and Paid For, 1916
The Gilded Cage, 1916
The Hungry Heart, 1917
The Dancer's Peril, 1917
A Self-Made Widow, 1917
Her Silent Sacrifice, 1917
Woman and Wife, 1918
Woman and Wife, 1918
The Whirlpool, 1919
The World To Live In, 1919
Na portada d'El Gráficu, 1921

Referencies

↑ ^1,0 ^1,1 URL de la referencia: https://walkoffame.com/alice-brady/.
↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: Encyclopædia Britannica Online. Identificador Encyclopædia Britannica Online: biography/Alice-Brady. Apaez como: Alice Brady. Data de consulta: 9 ochobre 2017. Llingua de la obra o nome: inglés.
↑ Afirmao en: Find a Grave. Data de consulta: 14 xunu 2024. Llingua de la obra o nome: inglés.
↑ ^5,0 ^5,1
- Alice Brady na Internet Movie Database (n'inglés)