Alas de mariposa ye'l primer llargumetraxe del direutor de cine Juanma Bajo Ulloa. La película foi gallardoniada con numberosos premios.
Argumentu
Ami ye una neña de seis años, introvertida y especialmente sensible. La so madre, Carmen, vive encegolada cola idea de tener un fíu home (una y bones el padre d'ella namái pudo tener fíes), sentimientu que nun comparte'l so home Gabriel.
Cuando Carmen queda embarazada, la medrana a la posible envidia de Ami, alimentáu por un creciente sentimientu de culpa, torga a Carmen faer parte del so embaranzu a la neña y provoca que la rellación cola so fía empiece a deteriorase día tres día.
Dende esi momentu los acontecimientos van dirixise irremediablemente escontra una tarrecible velea. Cuando la madre llogra'l so deséu y da a lluz el deseyáu fíu home, la fía nun la soporta y va empezar a sentir odiu pol naciellu. Ami acaba asesinando al ñácaru, afogándolo con un coxín nel so trubiecu. Trece años dempués, Ami vive casi despinta nel so cuartu, ayena al mundu esterior, a la so familia y al so propiu sexu.
A partir d'entós, Ami empieza a urdir un plan d'escape robando comida pa quedase'l dineru hasta qu'una serie de desafortunaos incidentes llevenla a nun soportar más la situación y decide colase de casa.
Xustu nel últimu momentu, una estraña reacción nel comportamientu de la so madre fazla quedase y esti fechu ye l'empiezu d'una nueva vida pa dambes.
Premios
El Círculu d'Escritores Cinematográficos concedió a Silvia Munt la Medaya a la meyor actriz, y a Juanma Baxu Ulloa el Premiu revelación.[5]
Referencies
Enllaces esternos
