Adele Mara (28 d'abril de 1923, Highland Park (es) 
– 7 de mayu de 2010, Pacific Palisades) foi una actriz, cantante y baillarina d'Estaos Xuníos, con una carrera cinematográfica desenvuelta nes décades de 1940 y 1950.[4] Amás, nos años cuarenta foi una conocida chica pin-up.
Biografía
El so verdaderu nome yera Adelaide Delgado, y nació en Highland Park (Michigan), nel senu d'una familia d'orixe español.
Unu de los sos primeros papeles nel cine foi'l d'una recepcionista nel filme de The Three Stooges I Can Hardly Wait. Otres de les sos películes fueron The Vampire's Ghost, Wake of the Red Witch, Angel in Exile, Sands of Iwo Jima, California Passage, y la cinta dirixida por Don Siegel Count the Hours.
Nel ámbitu televisivu, en 1961 Mara actuó nel papel d'una enfermera xunto a Cesar Romero nel programa The Red Skelton Show nun númberu tituláu "Deadeye and The Alamo."
Mara tuvo casada col guionista y productor televisivu Roy Huggins, y actuó como baillarina en 1957 en tres episodios de la serie Maverick, producida por él.
Adele Mara finó de causes naturales el 7 de mayu de 2010 en Pacific Palisades (Los Angeles), California.
Referencies
Enllaces esternos
