مملكة أستورياس كانت اول كيان سياسى مسيحى فى شمال اسبانيا بعد انهيار مملكة الجوث. بعد وفاة الملك رودريجو فى معركة جواداليتى و غزو المسلمين. مملكة أستورياس استمرت من سنة 718 لسنة 925 ، جت بعدها مملكة ليون لما الملك ألفونسو التانى حوالين العاصمة الى اوڤييدو.
الخلفية الاصلية لمملكة أستورياس
بداية مملكة أستورياس كانت فى وسط و غرب اقليم جبال كانتابريا و المنطقة الوسطى من استورياس, اراضى استورياس كان فيها عدد من الشعوب فى بداية العصر المسيحى
انهيار مملكة الجوث
المسلمين غزو معظم شمال غرب افريقيا سنة 689. و بعد انتصار المسلمين ضد الجوث فى معركة جواداليتى فى يوليه 711 م ابتدا المسلمين غزو شبه الجزيرة الايبيرية و عملو امارة او مقاطعة من الامبراطورية الاموية سموها الاندلس و عاصمتها كانت فى كوردوبا. بسبب التقدم السريع للمسلمين سيطرو على توليدو اول عاصمة للجوث الغربيين سنة 712 . و بعد كده راحو المسلمين على شمال ايبيريا و كل المدن هناك اما غزاها المسلمين او استسلمت ليهم . سنة 716 سيطر المسلمين على شبه الجزيرة ، لكن سيطرتهم على الشمال كانت بالاسم مش فعليه علشان مناطق كتير فى شمال شبه الجزيرة الايبيرية بقيادة بلايو نجحو فى مقاومة الغزو . و قاوم بعض الڨييثجوث لحد 719 و بعد كده جهودهم و جيوشهم راحت للجنب الغربى من جبال البيرينيه اراضى المملكه الكارولينجيه و كان فيه انتفاضات فى المنطقة الخاضعة لسيطرة قليلة فى الشمال الغربى من شبه الجزيرة.
بيلايو
فى سنة 718 اتمرد فى استورياس نبيل اسمه بيلايو اسبانى: Pelayo ضد المسلمين لكن فشلت الثورة .فى سنة 722 حاول بلايو مرة تانيه و غلب بلايو و مجموعة من الاستوريانيين من بينهم بعض نبلاء الڨيثجوث , المسلمين فى معركة كوڨاجوندا و اسس بيلايو مملكة أستورياس و دى كانت بداية الفترة المعروفة باسم الاسترداد علشان استعادة السلطة المسيحية فى شبه الجزيرة الايبيرية. مملكة أستورياس حكمت استورياس و كانتابريا و ناڨارا و شمال اراجون.
فى الجزء الشمالى الشرقى من شبه الجزيرة الڨييثجوث اللى كانو هربو لمملكة الفرنكيين طلبو مساعدة من الفرانكس , لحد شارلمان قام بسلسلة من الحملات العسكرية علشان اقامة منطقة منزوعة السلاح المعروفم باسم ماركيز ,و اتشكلت فى اوائل القرن التاسع لمنع تغلغل المسلمين فى مملكة الفرانكس.
و تقسيم الأراضى لماركيزات هو الاسلوب اللى اتقسمت بيه الاراضى الفرنكية فى بلاد كتير, و كان امراء الاقطاعيات من اصل فرنكى او جوثى بييمثلو ملك الفرانكس
عواصم مملكة أستورياس
اول عاصمة كانت كانجاس دى أونيس اسبانى: Cangas de Onís و اتنقلت لبراڤيا اسبانى: Pravia وبعدين اختار الفونسو التانى اوڤييدو عاصمة للمملكة.
ليون
قرب جبال البيرينيه كان فیه اتنين من الممالك المسيحية : ناڨارا واراجون. . كمان اتوسع حكم المسيحيين فى شبه الجزيرة ، اللى كان لحد الوقت دهه مملكة أستورياس ، و عاصمتها أوڨييدو لكن من عهد ألفونسو التانی العفيف اتحولت لمملكة ليون فى 910. .مدينة ليون كانت أندمجت فی مملكة أستورياس فى نص القرن التاسع فى عهد أوردانیو الاول فى 856.
مصادر
.svg)
